دکرزی په سرکی چاودنه شوی(ګالبریت)

( له بینوانه په مننه) 

کرزی چی دخارجی قواوو په ملتیا له نامعلومه ځایه دطالبا نو داسلامی امارت په وړاندی دخپلی جاسوسی غژ پورته کړ اوددغه نیواکګرو قوتونو په اوژو دقدرت په ګدی کښیناست اوملت ته یی غوړی غوړی وعدی ورکړی ددغه عسکرو دخوښی لپاره هرڅه وکړل کله به چی دغه نیواکګرو پوځونو خپل عملیات پرمخ بیول نو څنګ ته به کرزی دچیلنج شکنځا کی دطالبانو ترعنوان لاندی د ولس په ادرس ورخوشی کولی ددی په ترڅ کی به یی کله دطالبانو تعداد پنځو س تنه اوکله هم له دی کم هم ښوده ،کرزی لدی لاری غوښتل چی په جګړه کی ددغه نارواپوځونومورال قوی وساتی اوپه دی خبرویی ددوی سره خواخوژی اوددوی تشویق کاوه.

ددغه اته کلن درب غوبل په دوران کی دماشومانو ، سپین سرواوتورسرو، سپین روبو په ګډون مسجدونوهم شهادت جامونه نوش کړل پردی سربیره مودخوښۍ مراسم اودعیدونو ورځی هم په غم بدلی شوی خو کرزی اواداری یی یو ځلی هم داسی حرکت ونکړ چی هغه دی ددوی داسلامیت،افغانیت اویا انسانیت څرګندونه وکړی ولی علاوه پردی ته ولس په سترګوورننوتل چی ترهګروته ځای مه ورکوی که نه وو داحالت به مو وی .

داجریا ن راروان وو تردی چی دنیو اک په داڅو وروستیو کلونو کی پروژه بدله شوه اودیو ه افغان دوژلو بیه دوه لکه افغانی وټاکل شوه او په ډیره سپین سترګی به د ولس مشر لخوا اویاهم دهغه دکوم بل ورته اشیا لخوا ورکول کیدلی دافغان وژنی په اړه هیچاهم دانه ویل چی دا انسان مری اوکه کوم ژوی .

همداسی وژنه روانه وه د انتخاباتو ډرامه  تیره شوه چاچی شه تمثیل وکړ هغه بیاهم کرزی وپیژندل شو خو دتمثیل معیار یی بیاهم ګونګ پاتی شو هیڅو ک په دی ونه پوهید ل له سیاسیونو نیولی بیا ترعامیونو پوری له ټولو لوری ورک شو خو کرزی په خورا چالاکی او اوښو احساساتوځان ملت ته وشود خوداچی څو میاشتی لانه وی تیری بیا دواشینټن لیډرانو یوه بله لوبه پیل کړه چی داځل هم ددغه لو بی هیرو خوارکی کرزی وو، مکاری امریکا دپیریانی کرزی په خو له دااتنخابات له ستونزو ډک وبلل اودستونزواصلی لامل یی بهرنی وګړی وبلل اوسفارتونه یی هم وښودل حتی دمورمړی پیټر ګالبریټ نوم یی هم واخیست .

کرزی ډیر احساساتی وو ورپسی کندهارته لاړ غوښتل یی چی ملت خطا باسی هلته یی هم  دسیاسیونو په وینا  ناموزونه خبری وکړی چی ظاهرا په دغه دوو جریانونو کی امریکا خواشینی څرګنده کړه اودنړیوالو دتیرایستلو لپاره یی بهرنو چارووزارت یو تت غبرګون هم وښود خو کرزی داخپله ازادی وبلله او له وسله والویی هم دا رنګه ازادی وغوښتله اوخپل تیر کلونه یی لکه څنګه  چی حقیقت وو اوده. ځان اوخپله اداره مزدوره اوغلامان وبلل پاته شوه دګالبریت خوارکی خبره هغه ته په دی اړه چی دا نزاکتونه امریکا په لاره اچولی نه امریکا اونه بل چا معلومات ورکړی وو نو په ډیر جرات یی دخپلو کړنو څخه ددفاع په خاطر دمطبوعاتو ډکر ته راودانګل اوکرزی ته یی داحساساتی اود دماغی توازن نه درلودونکی انسان نسبت وکړ چی په عام ډول افغانان له داسی سړی ګیله نه کوی دګالبریت خبره هوبه هو دامعنی لری چی دکرزی په سرکی چاودنه شوی افغانان دغه خبره په خپله ټولنه کی هغه چاته استعمالوی چی هغه هیڅ خپل دریځ نه لری دهرچا ډول ته ګډوی اوهغه دچا خبره دبل چا لوډسپیکروی .

احمدحسان

دتاریخی افغانستان ظالمانه اشغال دڅه له پاره ؟

ای محکومولرو بر افغانانو ، هر چیری چی یاست ،    دهیواد    د خپلواکۍ په خاطر داشغال پر ضد لاسونه سره  ورکړئ  کاندید اکاډمیسن م . ظاهر افق (لراوبر) ۱۱ـــ ۹ ـــ ۲۰۰۹ ب۰ دتاریخی افغانستان ظالمانه اشغال دڅه له پاره ؟ افغانستان په تاریخی او ستراتیژیکی لحاظ دډیر پخوا څخه لا اهمیت درلود چی اوس یی همدغه اهمیت په مراتبو زیات شوی دی ۰ دهیواد جګ جګ غرونه همیشه دغلیم په مقابل کی دډیرو قوی سپرو نو په څیر او دپامیر لوړه سطحه دنړیوال بام دیوی ستری برخی په حیث دتل له پاره ددښمنانو او بیګانکانو په زړ و نوکی هیبتونه او دهیواد دسترا تیژیکو سیمو په شان یی خپل عضمت پوره ساتلی دی ۰ نوموړی جهانی بام نه یوازی آسیایی مهمی  برخی تر خپل حضور لاندی لری بلکه یولړ نوری سیمی یی هم تر خپلی فضالاندی وروستلی دی ۰ نو دهمدغه واقعیت له مخی دجهان جګړه مار ان او استعمار ی تجاوز کارانو تل هڅه کړې چی دخپلو هدفونو او مځکو داشغالولو له پاره نوموړی ډول سیمی ځکه خپلی کړی څو د ښمن یی تر لاندی ښورونه خوری  ۰ پر نوموړی اساس استعماری خاصتأ امریکایی  ـــ انګلیسی  تجاوز ګران بیله دافغانی ولسونو داجازې او بیله دهغوی دخبرو لو نن ورځ په هیواد کی په لسګونو پټی او  ښکاره داسی اډی لری چی دخپلو خارجی او داخلی دښمنانو په مقابل کی یی تنطیم کړی دی ۰ دنوموړو ستراتیژیکو هدفونو په باب دا هم ویل کیږی چی دپامیر پر لوړو سطحو باندی ډول ډول درنې وسلی داسی ځای پر ځای شوی دی چی دچین ، روسیی او مرکزی آسیا او افغانی سیمی  په  هروخت کی کیدای شی چی تر جنګی مرمیو لاندی شی ۰ البته ، نوموړی نارواعملونه هغه وخت انجام شول چی امریکا یی ــ انګلیسی واکدارانو په دې وروستیو کلونو کی ـــ  میدان چغالی ولید ــــ نو یی دانګریز انو دتیرو تاریخی ماتو په نظر کې نیولو سره دناټو په نامه خپل نوی او زاړه هیوادونه په ځان پسې ورکش او دــــ۴۶ ــــ هیوادونو دفوجونو څخه اضافه یی دچیلی غوندی هیوادونوڅخه یی    هم لښکریان په کرایه واخستل اوپه ټولو یی پر غریب خو قهرمان هیواد افغانستان غیر انسانی اود شرمه ډکی حملې پیل کړې ۰ دادی چی نن یی دهیواد ، په خاصه توګه ، پر پښتنی سیمو وحشتونه زیات او دآزاد و پښتنو په سوات سیمه کی یی کتلوی داسی مرګونه پیل کړل چی په زرګونو پښتانه یی ووژل او تر میلیون یی زیات هم اوار ه او بی ځایه کړل ۰ دغه تاریخی جنایت د ـــ اوباما ــــ او ـــــ زرداری ــــ ددوی دنوی مزدور، سره په هغه موافقه انجام شو چی دوه بیلیو نه ډالره به یی په دولتی جیبونو کی ورلویږی ، البته ، دغه درشوت ورکولو عادت یی نوی هم نه دی ۰ دلته داستعمار ګرانو په سرکی یی ـــــ اوباما ــــ هدف دادی چی دهمدغه ډول رشوتونو او جنایتونو له مخی به لروبر افغانان دخپلی آزادۍ غوښتنی څخه راوګرځوی  ! ۲ -  پر هیواد دتجاوز ګرانو دحملې او تجاوز بل مهم هدف دهغوطبیعی ثروتونو چور او چپاول دی کوم چی یی وختی لا په نظر کی نیولی دی ۰ هیواد چی  په خپلو جګو جګو غرونو او پراخو دښتو کی ډیر غنی معدنونه ، تیل او ګاز ، ډول ډول قیمتی  ډبری او مختلیف ارزښتمن ثروتونه لکه یورانیم لری ، نویی دتصاحب له پاره هغه تاریخی دښمنان او تجاوز ګران پرراپورته شوی کومو چی دنړۍ په ډیرو سیمو کی زیات خلک او بیچاره ولسو دنوموړو شومو هدفونو په خاطر په بی رحمی سره وژنی او بې کوره کړی دی ۰ ۳ ۰  ښاغلیو لو ستونکو ته دی څرګنده وی چه انتقام اخستل یوازی په قبایلی او ملیتی ټو لنو کی رواج نه لری ، بلکه په اصطلاح به پرمختلیفو هیوادونو کی هم دانتقام اخستلو عادت نه دی ورک شوی ۰ انګریزانو چی درې واره دافغانانو له لاسه شرمناکی ماتی خوړلی دی ، نو یی دادی دخپلو امریکایی او کانا ډایی لمسیانو او واکدارانو په نژدیو مرستو سره دهغه جنایتونو رهبری پر غاړه اخستی  ده چی ۱۱ـــ۹ په غیر انسانی دسیسی سره راپی او تقریبأ دــــ۴۶ ــــ هیوادونو په واسطه یی ادامه موندلې ده ۰ په نوموړو هیوادونوکی ځینی اجیرنیول شوی او یا هم په درواغو دچور او چپاول په مالو نوکی شریک ګڼل شوی دی ۰ باید څرګنده شی چی دامپریالستی  استعماری عقیدی همداده چی په خاصه توګه لر وبر افغانا ن چی تل یې دخارجی دښمنانو دتیریو مخنیوی کړی ، او اوس یې هم ددوی دتجاوز نو په مقابل کی ټینګ سنګر ونه جوړ کړی دی ، بایدکمزوره اوناتوانه کړل شی ، خو د ــــ ۲۱ ــــ پیړی دغیر انسانی غلامیو تناونه په غاړه کی ورواچوی او ټوله سیمه په خپلو شومو منګولو کی ونیسی ۰ البته ، بی مفهومه پلمه یې داچی دآسیا په زړه کی طالبان دامریکا دګټو په مقابل کی خطر دی ۰ ـــ ده کجا درختها کجا ؟ ـــــ مخکی له دی چی دلیکنی یوه لنډه نتیجه اعلان کړ ولازمه ده چی دګلی په توګه دتیری پیړی د پینځو سومو څخه تر اویایمو کلونو پوری دهیواد سیاسی جنبش ، هغو مبارزینو او مشرانو ته یادونه وکړم چی دنوموړی زمانی مقطع سیاسی مبارزین چی تل به یی دامپریالیزم او دهغوی دتجاوز اتو پر ضد نارې سورې وهلې ، اوس څه شول ، چی هیڅ ږغ یی نه راپورته کیږی ۰ داخبره بیاهم هغو مشرانو او کدرونوته متوجه ده چی دولسونوبه ورته امید ونه وه ، او نن ورځ یې په خارج کی رنګینی ځالۍ جوړ کړی ، دآرامۍ خو دغلامۍ ژوند بی نصیب کړی دی ۰ دغلامۍ ژوند یی ځکه بولم چی په زړه کی یی ښایی ډیری خبری وروګرزی خو تر خولو یی هیڅ  نه راوزی ۰ داهم ځکه چی ښایی ، ددوی په عقیده ، له هیواده څخه به یی دیپورت کړی ؛ یا به  یی دکارکولو او ولفیر له پیسو څخه محروم او یابه  یو تعداد دهاګ غیر عادلانه محکمی ته معرفی کړی ۰ په دی حساب ، نو یقینأ چی زموږ دوطن هغه شپی او ورخی دی مبارکی وی چی هم مو مظاهری او اعتصابونه کول او هم مو پر خپل قانونی وخت خپل منظم معاشونه ، چی مستحق وو، اخستل ، او هیچاله وطنه څخه ځکه نه شو وایستلای چی هم مو وطن خپل او هم موزندانونه خپل وه ۰ نن په ډیر احترام دنوموړوی سیاسی زمانی کین لاس او ښی لاس مبارزینوته وړاندیز کیږی چی دوطن دآزادۍ او خپلواکۍ په خاطر دافغانانو په نامه تیر مخالفتونه ، چی دبیګانګانو دتحریک او مداخلو نتیجه هم وه ، پر خپل ځای پریږدی او دخپل واحد هدف په خاطر په یوه واقعی او انقلابی سنګر کی دتجاوز ګرانو او امپر یالست استعمار چیانو په مقابل کی داستقلال دګټلو له پاره لاسونه سره ورکړی او یو وار بیا دخپلو نیکه ګانو په شان بیګانګانو او دښمنانو ته دتاریخی  او عبرت درس پر څنګ خپل تیر برم وروښی ۰ نتیجه : په دی خبره دی هیوادوال پوه وی چی دغلامۍ اواشغال په دوران کی به هیڅ صورت دآزادۍ او خپلواکۍ وده او انکشاف نه راځی او نه هم په ټول بشری تاریخ کی راغلی دی ۰ کله چی یوه ټولنه دمریتوب په ځنځیر ونو تړلی وی ، نو یی ټولنیز و د ه هم نه لیدل کیږی مګر دبادارانو پر لاس دهغوی په ګټه ۰ اوس نو ای محکومو لروبر افغانانو ، هر ځای چی یاست ، دوطن دخپلواکۍ په خاطر دناټو ظالمانه او وحشی اشغال پر ضد لاسونه سره ورکړئ او ټولنه دواقعی ډموکراسۍ ، ټولنیز عدالت ، سراسر ی سولی په وړاندی رهبری کړی ۰ دټولنی ټول اجتماعی سازمانونه ،او ګوندونه ، اجتماعی او قومی ټولنی باید داسی لاسونه سره ورکړی ، چی ټول قومی ، سیمه یز ، مذهبی ، ژبنی او داسی نور اختلافونه چی همیشه یی دښمنان په شدت کی لاس وهی ، اضافه ځای ونه لری او دیوه کلک افغانی یووالی په چوکاټ کی خپل ملی ارمان ته ورسیږۍ دادی هم زموږ ته څرګنده وی چی ټول امریکایی او اروپایی واکداران هڅه کوی ځانونه سکالرو بولی ، خو په واقعیت کی سخت داسی عیسویت کوی چی عمده دښمن یی داسلام مقدس دین بللی ، څووس یی کیږی مسلمانان او پښتانه افغانان دتروریست په نامه وژنی او دخرابیو کندوته یی پوری وهی ۰ موږ لر وبر افغانان باید دغه ډول واقعی خبری همیشه په نظر کی ولرو او ددښمنانو په هغو درواغو نو او چالونو بازی ونه خورو چی تقریبأ نیمه پیړۍ یی راباندی چلولی دی ۰ په پای کی دخپلواکۍ ، سولی او پر مختګ په لور !

کاندید اکاډمیسن م . ظاهر افق

کرزیه مبارک شه په نادعلی کې ۱۲ عام وګړی ووژل شول (‌بینوا)

د دې څخه وړاندې چې د مارجې عملیات پیل شی نو ناټو او افغانې خوارکی اردو تل داسې ډنډورې غږولې چې دوی به په یادو عملیاتو کې د ملکی وګړو د ځان ساتنه کوی او تل به دوی ساتی او حتی ناټو خو ویل چې د دوی موخه دې سمیې ته د یوې سالمې ادارې او بیا رغونې ور وستل دی چې د دوی سالمه اداره او بیا رغونه خو ټولو افغانانو ته معلومه ده چې دوی څنګه بیا رغونه کوی او دوی څنګه یوه سالمه اداره رامنځ ته کوی او دا به ټولو افغانانو ته جوته وی چې دوی دلته د څه لپاره راغلی دی ایا د بیا رغونې لپاره که د بیا وژنې لپاره.خو په هر حال هغه متل دی چې وایی(اګر غم نداری بز بخر) که چیرې د افغانستان په کوم ګوټ کې لږ کراری وی او څوک نه وی ځورول شوی نو دوی دستی ور مخه کړی او د دین پتنګان هم ووایی چې مونږ په سیمه کې هرډول مقاومت ته چمتو یو چې د دې اخطارونو سره سم دوی هم یوه میاشت مخکې د دې نارې پیل کړی چې مونږ ځو سیمې ته ترڅو وسله وال اورپکی وځپو.هوکې وسله وال اورپکی خو اول وی نه که وی هم ډیر وړاندې د دې سیمې څخه بلې سیمې ته کډه شی او هلته په ارامه خوبونه کوی. او خوارکی افغانان وی څوک یې له ډاره کډه کوی او څوک چې پیسې نه لری نو بیا پراته وی او د نادعلی په څیر چې په یو کور کې دولس تنه ووژل شول بیا د دې ظالمو ځواکونو لخوا په ډیره بې رحمی ووژل شی او دوی یوازې تشه بخښنه ووغواړی یو خو د خدای تعالی دوی په دې تشه بخښنه تباه کړی........... اوس نو ولسمشر کرزیه چیرې یې او څه کوی تاخو ویلی وو چې په دې عملیاتو کې د ملکی وګړو ژوند ته باید پاملرنه ووشی او بل داچې د دې عملیاتو قومنده خو هم تا ورکړې وه قومندان صیب یې ته یې .... اوس به د نادعلی د دولس تنو شهیدانو برخلیک څنګه کیږی مونږ لا د سالنګ اوښکې پاکې کړی نه دی او داده تا او ستا دوستانو بیا د دې ځوریدلی اولس پر مخ بله څپیړه ورکړه ایا دا اولس د دې لپاره پیدا شوی چې همداسې ووژل شی او قاتلان یې یوازې بخښنه ووغواړی؟ایا دا قوم کوم ساتونکی او سم مشر نه لری ترڅو د دوی حق ووغواړی؟دا چې دولت د بیا رغونې او سم ژوند څخه خبرې کوی ایا که دوی داسې سم ژوند خلکو ته راولی نو دا به خلک به په ریښتینی ډول د حکومت سره یوځای شی اوس نو د ولسمشر او د ده د دوستانو دې ته ورته چارې به د دوی په وینا ډیر خلک وسله وال اورپکی کړی ځکه د بلا نه د تیښتې څخه د بلا سره مبارزه ښه ده.هوکې په نادعلی کې دا دولس کسان په داسې حال کې وژل کیږی چې نن په تاریخ کې د افغانانو لپاره د ویاړ ورځه ده ځکه په همدې ورځ یې زمونږ یو بل دوست پخوانی روسی استعمار ته هم ماتې ورکړې وه او له خدایه دې ظالمانو ته هم د همداسې ورځې انتظار کوم ترڅو یې ولمانځو.ځکه دوی هغه مار ته ور ته دی کوم چې په لستوڼی کې یې ګرم کړې او بیا دا تا ووچیچی.او بله پوښتنه مې داده چې د دې عملیاتو قومنده خو د افغان خوارکیو ځواکونو په غاړه نو څنګه بهرنیو بې د دوی د اجازې څخه په ملکی افغانانو راکټونه را وه اورول؟.خو په هرحال هغه وایی چې ږیره زما واک یې د ملا دا خبره ډیره سمه ده او نن صبا دا خبره ډیره ریښتونې ده.خو زه یوازې د افغان دولت او بهرنیانو هغو څخه غوښتنه کوم چې د خدای په خاطر دې ملکی افغانان نه وژنی ځکه نور دا اولس د دې توان نه لری چې تل ووژل شی او مونږ یې اوښکې ورپاکې کړو ستاسو د بیا رغونې او سمې ادارې څخه توبه یوازې په کراره مو پریږدی ځکه مونږ د سړک څخه سولې ته اړتیا لرو او د خدای په خاطر زمونږ په خپل لاس جوړه شوې سوله تاسې مه را نا امنه کوی.
د طالب وسله والو څخه مې دا غوښتنه ده چې اوس خو تاسې خپلې جګړې ته دا شعار ورکړی دی چې ګواکې د استعمار په وړاندې جګړه کوی نو تاسو هم د خدای په خاطر د داسې ځایونو څخه ووزی په کومو ځایونو کې چې د ملکی وګړو د مرګ ژوبلې ګواښ ډیر وی ځکه کیدای شی ستاسو او د دولت او بهرنیانو په دې کړونو تاریخ وروسته قضاوت وکړی او زه هیڅ کله هم نه غواړم چې زمونږ په تاریخ کې د ویاړ د پاڼو څخه د شرمنده ګی پاڼې ډیرې ډکې شی.