دکانګریس په غونډه کې دجنرال پټریوس بی حالی په افغانستان کې دامری

 له الاماره نه په مننه 

د ویتنام جګړه ټوله 103 میاشتی وه خو د افغانستان جګړه له دې نه هم واوښتله. دغه د امریکې تر ټولو اوږد یرغل دی.  پدی  ویرجنه موده کې مونږ د سولې ،ترقی  اوسوکالۍ په نوم دامریکې ډیرې غورځې پرځې، د خوښیو په محافلو وحشیانه بمباری، په کورونو د شپې حملې او د نویو ستراتیژیو پلی کول  ولیدل خو یوې  هم د افغانانو ایمانی  جذبه او د خپلواکی  هوډ ونشو ځپلی.

د افغانانو بریالی جهاداوپه هغه کې دمجاهدینوله لوری پرمختللیوتکتیکونو د پنتاګون د آزمویل شویوجنرالانونه  لوری ورک کړ.  او بالاخره خبره دیته راورسیده  چې په افغانستان کې د امریکې د عسکرو عمومی قوماندان جنرال مکرسټال  سپینې ماڼۍ ته خبرداری ورکړ چې که نوی پوځ را ونه لیږئ نو د افغانستان جګړه بایللې وبولئ.

ددې په ځواب کې ،  د امریکې ولس مشر اوباما  د 2009 کال ددسمبر په میاشت کې د نیویارک د ښار د ویست پواینټ په پوهنځی کې د یوې وینا په ترڅ کې نویې استراتژی اعلان او وعده یې وکړه چې افغانستان ته به نور دیرش زره  عسکر ولیږی.  ده ویل چې دغه اضافی عسکر به په افغانستان کې د جګړې لوری بدل کړی اودوئ ته به بشپړ بری ورپه برخه کړی.    ددې خبرې د په اثبات رسولو  لپاره،  پنځلس زره امریکایې، لس زره انګریزی او شل زره افغان ګوډاګیو عسکرو  د روان کال د فبروری په میاشت کې د هلمند  د مارجې په وړه سیمه  باندې  حمله وکړه.

دغه د نویې ستراتژی امتحانی برید وو. دوئ غوښتل چې په مارجه کې به د امریکې په تول برابر امنیت او حکومت را مینځ ته کړی. اود همدی مقصد لپاره یې له  جرمنی نه تیار ولسوال هم راوارد کړ خو ترننه پوری یې هلته نه امنیت راوست او نه حکومت.  نن هم په مارجه کې مجاهدین روزانه امریکایانو ته دومره تلفات وراړوی لکه څومره   چې  د حملې په پیل کې  وراړول.

پنتاګون  چې په مارجه کې خپله عسکری زورآزموینه  اوله هغې نه رامنځ ته شوی ماتم ولیدو،  نواوس دقندهار عملیاتو ته  زړه نشی ښه کولاى  تر دې چې  اوس یې د عملیاتو نوم بلکل  بدل کړى  اودپوځی عملیاتو په ځای یې د ثبات او سولې د تحکیم نوم ورکړى دى؛  دا ځکه چې که دپوځی عملیاتو نوم ورکړی او بیا د مارجې په شان ناکامه شی،  نو  ښکاره خبره ده چې د پنتاګون لپاره به په نړیواله سطحه د  رسوایې او د نویې ستراتژی د فاتحی په معنا وی.

اوباما غواړی  چې د راتلونکې دسمبر په  میاشت کې ،  د نویې استراتیژی په هکله  نویې کتنه وکړی او وګوری چې کومې لاسته راوړنې لری خو ددفاع وزیر رابرټ ګیټس  او  د امریکې د پوځ د مرکزی قوماندی مشر جنرال پتریس له دې کار نه پښې سپکوی او وایی  چې تر دسمبره پوری به په میدان کې څه ونلرو.

له (9) کلنوپوځی هلوځلومتعددو استراتیژیو، بشری اومالی ملاماتوونکو تاوانونو نه  وروسته اخیر خبره دیته ورسیده چې دافغانستان په هکله دکانګریس په استماعیه غونډه کې  دپوښتونوپه مهال دامریکې  ترټولو وتلی جنرال  ډیویډ پټریس  بی سده  اودبیرته  راپه سد کیدولپاره پوره نیم ساعت  له دغو جنجالی پوښتنو  ځوابولوڅخه بهرته ویستل شو.

که څه هم چې جنرال پټریوس دخپلې بی سدۍ لامل  دسهارنۍ نه خوړل پلمه کړل

خو دومره غذایی خوارځواکې خو مخکې چا  په امریکا کې نه لیدلې اونه یې هم په هکله څه اوریدلی ول چې دمرکزی قوماندې مشرجنرال دې  دمشرانو دجرګې دمیزپه سر د لوږې له امله بی هوشه شی اوهغه هم د افغانستان دجګړې  په هکله د سوال او ځواب  په وخت کې.

دافغانستان دجګړې په اړه دسپینې ماڼۍټولی تګلارې  همداسې  ناکامې دی  ,هغوئ په دې اعتراف کوی چې د دوئ له خوامنځته راغلې اداره  ،په اداری فساد،بی امنیتی  او دنشه یی توکوپه قاچاق کې  مستقیم لاس لری  .

پنتاګون ادعا کوی چې د افغانستان  په پوځ او پولیسو د کال شپږ ملیارده ډالر لګوی او د دې ترڅنګ  دا اعتراف  هم کوی چې دغو مصارفو او هڅو  هیڅ نتیجه نه ده ورکړی ؛ځکه په سلوکې نوی پولیس بیسواده دی، اداری فساد اوج ته رسیدلى،  صاحب منصبان د عسکرو تنخوایې پټوی  او عسکر یې بیا  خپل بوټان او راشن خرڅوی.

اوپه ډیرومواردوکې پولیس په دولتی  موټرونوکې له یو ځای نه بل ځای ته قاچاق وړی . پخپله د امریکې د بهرنیو چارو وزیره  هیلری کلنټن په دې خبره اعتراف  لری چې افغانستان یو مافیایې دولت دی.  همد اراز په پنتاګون کې پراخ اداری فساد  ریښې کړې دی. یوازی په افغانستان کې د یولکو نه زیات قراردادیان دی. یعنی د هر عسکر په سر  یو قراردادی .  اکثر قراردادیا ن  لوی پانګوال او د پنتاګون متقاعد جنرالان دی چې ترلاسه شوی قراردادونه د  ملیونونو ډالرو  په ګټه لاس په لاس خرڅوی.

د ملګروملتونو د یوه رپوټ په اساس،  په افغانستان کې په سلوکې پنځه اتیا ډالر بیرته بهرنیو هیوادونو ته ځی خو قرضې یې د افغانستان په بیوزله  ولس پوری  لیکل کېږی.

له بله پلوه ، څو ورځې مخکی د روسی صدراعظم  امریکا  او ناټو تورن کړل چې  د هیروینو او افیونو په مخنیوی کې لازمی هڅې نه کوی  دوئ د افیونو کروندې پریښی او روسی ته د هیروئینو مخه  نه نیسی.

کتونکې وایې چې امریکایان قصدا دغه کار کوی ترڅو روسان په ټولنیز او اقتصادی ډول فلج کړی  .

دغه حالات ښیې چې امریکا  په نړیواله سطحه  هم په عسکری او هم په  سیاسی ډګرونو کې خپل اعتبار بایللى  او ورو، ورو په افغانستان کې په هغه لوری روانه ده چې  ډیر مغروره یرغلګران  په دی تاریخی ټاټوبی کې  په هغه سرنوشت  اخته شوی دی.  خو د دې هرڅه باوجود د پنتاګون جنرالان  بیاهم وایې چې په افغانستان کې ابتکار زمونږ په لاس کې اوهالته روان حالات زمونږپه ګټه دی .

هغه څه چې په افغانستان کې  دعینی واقعیتونوله مخې جریان لری هغه دادې چې د تیرو دریومیاشتوهره ورځ  خپله دامریکایانوپه اعتراف  دهغوئ دعسکرولپاره یوه تربلې مرګونی ورځ وی  چې له امله یې ددوئ د اعتراف  په آساس دوژل شویو بهرنیوپوځیانوشمیره تر۳۰۰ اوښتې ،په سلګونونقلیه  اوپوځی وسایط یې تخریب اوپه لس ګونو پوځی اواستکشافی الوتکې یې دمجاهدینو له لوری راغورځیدلې .

یواځی  جنرال پتریوس دی چې  دافغانستان  دعینی واقعیتونوپه هنداره کې یې  دخپلو پوځیانو مستقبل  ارزولی؛

اودغه ارزونه یې په عملی توګه دسنادجرګې دغونډې په مهال په خپلې بی حالۍ سره تشریح کړه ،دکانګریس په استماعیه غونډه کې  دکانفرانس دمیزپه سردپتریوس  بی سده کیدلو هم دسپینې ماڼۍ  اوهم دکانګریس چارواکوته په خاموشانه ژبه ډیرې هغه پوښتنې ځواب  کړلې چې دوئ یې داوریدلو لیواله وو؛ دریغه  چې هغوئ  هم دجنرال پتریوس په څیر په مسؤلانه توګه له دغه څرګند ځواب څخه  دخپل  ولس په ګټه کار اخیستی وای...

خنجر، که داوباماد فوځی ستراتیږى په تابوت ورستى میخ ؟!

شاوخوادوه اونۍ کیږی چې دامریکا، ناټواودکابل ادارګۍ داجیرې اردوپه ګډون نیږدې دولس زرو تنواشغالګرولښکرودهلمندولایت په مربوطاتوکې ددغې غیرتمنې سیمې دمیړنی ولس په خلاف ستراوپراخ فوځی عملیات پیل کړی دی اودیرغلګرودغه عملیات ځکه دپام وړدی ، چې دوى خپله وایی چې دادامریکایانولپاره د(ویتنام )اوانګریزانولپاره د(فاکلند) له جګړوورسته مهم عملیات اومجهزه ستره  جګړه ده

له بل پلوه ،ښایی دهلمندجګړه لدې امله هم یرغلګروته اهمیت ولری چې دامریکاولسمشرى ته داوباما، له راتګ  اوبیادهغه دفوځی ستراتیږى له اعلان ورسته دا، په افغانستان کې لوی فوځی عملیات دی چې ترسره کیږی

که ددغوعملیاتوڅرنګوالى  اوتردې دمه یې پایلی په لنډه توګه وڅیړو، چې دویتنام اوفاکلند، له جګړې ستره اومجهزه جګړه ، دهلمندپه دښتوکې کوم سرحدته رسیدلی  اوخنجرڅومره دخپل ځان په ګټه کارترسره کړى،نو له شک پرته جوتیږی چې لوى اوتواناخداى (ج) اشغالګرسره له ټول جنګی غرور، دبدبې ، مسلسلوتبلیغاتواودټولې نوې فوځی ستراتیږى سره داسې رسوااووشرمول ، چې کوکی اوناری یې ان دامریکااولندن په ښارونواوکوڅوکې واوریدل شوی  ، خپل ولسونه ورپسې راووتل چې دوى نه افغانستان غواړی ، نه یې جګړه اونه یې هم پټې اوښکاره ګټې ،بلکې خپل زامن اوفوځیان غواړی چې ژرترژره دې له افغانستانه راوویستل شی.  

دامریکااولندن خلک به ولې په مظاهرولاس نه پورې کوی ، چې له یوې خوادمجاهدواوښکارزنوطالبانو مخامخ جګړې ، ناڅاپی بریدونو،  کمینونواودسرک دغاړې  کارنده ماینونوپه دوو اونیوکې لسګونه الوتکې ددوی دوژل شووځامنواوځوانانوله جسدنواوتابوتونوډکې ورولیږلې  اوله بلې خوادهلمنددلویواوپلنودښتوپه سوزنده ګرمی کی نیږدې ۱۰۰۰تنه ددوى نازولی ! فوځیان بې خوده اوجل ووهل !!

که څه هم وړمه ورځ خپله اوبامااوله هغه وړاندې دبرتانیاددفاع وزیرومنله چې دخنجرپه نوم عملیات یې په هغه طرزاومسیرپرمخ نه ولاړل  لکه  چې دوى  یې توقع اوهیله لرله ،ځکه چې په وینایې طالبان له نوواوعجیبوتکتیکونوڅخه کاراخلی ، ثابت په یوځاى کې سنګرنه جوړوی اوپه یوشپه کې ځوځایه ځانونه تقسیموی اوبیابیا بریدونه کوی!   ،خوبیابه هم امریکااوبرتانیاحوصله اوزغم له لاسه نه ورکوی

دکتونکوله نظره دهلمندپه روانه جګړه کې دامریکایانواوبرتانویانوفاحش اوڅرګندشکست ، درنوتلفاتو,بې کچې زیانونواوددوئ ترټولوقوی اومجهزی قوی ماتیدلو په ډاګه کړه چې دیرغل اوزورمیچنوته هیڅکله هم افغانانونه سر ایښى اونه به یې هم کیږدی ، خودادوخت لوى طاغوت دى چې بیاهم دافغانانوپه وړاندې له ناکامواودفن شووتکتیکونوڅخه کاراخلی اوفکرکوی چې په وحشت اوبربریت به افغانان تسلیم اومات کړی ، خودوى بایدپه یادولری چې ټول افغانان دکابل اجیرې ادارې دچلونکواوګوډاګیانوپه څیرضمیرفروشه اوبې وجدانه ندی ، دلته اوس هم داسې ننګیالی افغانان شته چې دخپل ټول کوراوعیال قربانى ته له یوې مخی تیاریږی خوداسلام ، دین ، پیغمبر، اورغنده ملی عنعناتوپه سریوه لحظه هم معاملې اوبې غیرتی منلوته نه دی چمتو!!

نوداوبامااودنوې فوځی ستراتیږى ، جوړونکی اوپلی کونکی دې ، دافغانانودغیرت اوشهامت لنډجاج په هلمندکې وګوری چې څنګه یې په تش لاس په امریکاسربیره د۴۶هیوادونولښکرواولوى ایتلاف ته دسرپه کاسه کې اوبه ورکړی ،طالب ، مجاهد، بزګر، سپینږیری ،ښځی او ماشومان اوحتى موسم یې ټول په یومټ په اورمیږووهی اوعبرتناک درس ورکوی دافغانستان اسلامی امارت یوځل بیا دعالقدرامیرامؤمنین هغه خبر ه چی اته کاله وړاندی یې یرغلګروته له کابل نه دشریعت غږراډیوله لاری وکړه وریادوه چی تاسو په خپلو پر مخ تللیووسلومه مغروره کیږی ځکه وسلی مرګونه کولای سی خودمرګونومخه نسی نیولای اوس هم خپل دریځ ورته روښانه کووچی ستاسوپر مخ تللی وسلی ستاسودمرګ ژوبلی مخه نسی نیولای دقوتونو په ډیریدواودجنګ په پراخیدوهیڅ هم نشئ تر لاسه کولای اونه هم دمجاهدولس له قهره خوندی کیدای شی اوس هم وخت شته چی دسر ټمبګئ اونامعقولی ستراتژی دپلی کولوپر ځای دخپلوقوتوداستلوپه معقوله لار غوراوعمل وکړی

 اوىاهم په خلاصوغوږونوواوورې چې دهلمندجګړه به انشاالله تعالى ستاسې ورستى جګړه ، اوداوبامادپړسول شوی  استراتیږى  په تابوت ورستى میخ وی چې مجاهدین به یې پرې ټک وهی !!      انشاالله تعالی

رسنۍ اوقلموال باییدخپل رسالت اداکړی !

په افغانستان کې ددیمکراسى ترشعارلاندې هر، جرم ، فساداوخلاف ورزیوته دجوازلارجوړه شوی اوهرڅه  ترهمدغې تذویرې نارې لاندې پټ ساتل کیږی ، اوپه تاسف سره باییدووایوچې ددغې لویی نارواپه خدمت کې تربل هرچاپه افغانستان کې په ډیرتعدادکې خبری سرچینې اورسنۍ که څه هم په ټنډه یې دناپیلتوب مهرونه لګیدلی مصروفی دی ،

ددې پرځاى چې دغه رسنۍ اوسرچینې پیښې اوحقایق دخپل رسالت اومسئولیت له مخې سمې منعکسې اوخلکوته یې کټ مټ ورسوی ، ځینې یې برعکس تحریف پکې کوی اوهغومره یې خپرول اورسول غواړی چې په افغانستان کې ددیمکراسى دډنډ ه مارانو خوښه  اودهغوى دمصلحتونو ایجاب کوی  !!

مونږ به لدې ګیلې تیرشوچې دافغانستان داسلامی امارت دمجاهدینودبریاووخبرونه چې خپله دناټوفوځی قومندانان اوغربی مشهورې رسنۍ یې درکاډترکچې بولی اووایی چې په اوونۍ کې پردوى له ۳۱۳نه ډیرې مرګانۍ حملې اوبریدونه طالبان ترسره کوی اوله هیبته یې عسکرټول سربداله اودجنون حالت ته  ګرځیدلی ، خوپه افغانستان کې رسنۍ اوچلیدونکی میډیاترخپلې وسې  په دغوحقایقوسکوت اویاهڅه کوی چې  پوره اوپه جالب اندازخپاره نشی  ،

 که ددغې میډیاچلونکی داوایی چې امریکایی قومندانان اویاددوى په اشاره دکابل ادارې اجیراستخبارات یې غوږونه تاووی اولکه دارواښادروحانی اوورته ځینوحق ویونکوژورنالیستانوپه برخلیک یې اخته کوی چې ولی داسلامی امارت دویندویانو له خولی خبرونه رااخلى اوخپروى یې !! ولې دغه ترتهدیداویادډالری مکافاتو په چوپړکې یوشمیرپرتې خبری رسنۍ خولږ ترلږه  داکولاى شی چې دعام ولس کړاوونه اوپرې روان  مظالم وخت په وخت بې له کوم ډاراویرې خپاره اونشرکړی ، فکرکووچې په دې برخه کې به دغورسنیو، خبریالانواوقلموالوته دامریکایانودګواښ اوتهدیدچاړه هم ډیره تیزه اوویرونکی نه وی  

دمثال په توګه که په افغانستان کې میډیا، دهغه افغان لس کلن ماشوم (جاوید) په حق کې چې دا (۷) کاله امریکایانود ګوانتاناموپه قفسونوکې ترشکنجواوزجرلاندې نیولی ، په اړه یې صرف حقایق نړۍ ته خپاره کړی واى  ، چې دغه ماشوم په کوم جرم اوکومه ګناه په دومره کم عمر کې ونیول شواوان ګوانتاناموته ورسول شو اوپه دې اړه یې دکورنۍ ، موراوپلارفریادونه اوناری اویادعاموافغانانو غبرګونونه دنړۍ اذهانوته رسول شوې واى ، ایادغه ماشوم به امریکایانودخپل شرم اورسوایی له وجې نه ووراخلاص کړى ؟  اویابه لږ ترلږه دامریکایانودادعوه په نړیواله کچه  باطله نه واى ګرځیدلې چې امریکایان دخپلومذمومواونیواکګروموخوپه وړاندې هیڅ بشری عاطفه اوترحم نه پیژنی اوتنکی ماشومان هم ترخپل وحشت اوبربریت لاندې نیسی !

په همدې توګه دبې شمیره ډیرونوروامریکایی وحشتونوپه وړاندې چې افغان ولس په تیرو۸کلونوکې وزغمل اویایې زغمی ، ترډیره بریده افغانی میډیاخاموشه ،او افغان مشهورلیکوالان سکوت دی، نه پرې دزړه له اخلاصه قوی لیکنې اومقالې لیکی ،او نه هم پرې خبریالانوکومه ورځ یواحتجاج وکړچې ولې یې په مخ کې امریکایان پولی اوخنډونه جوړوی اوداصلی حقایقونشراوتمثیل ته یې نه پریږدی

دافغانستان اسلامی امارت په هیوادکې چلیدونکی اوددوى په ژبه ناپیلې ! میډیااورسنۍ مخاطبوی چې دهیوادلوړو ګټو دفاع ، ددینی اوملی ارزښتونوساتنه  اودملت له ځګرویو اوغوښتنوسره همغږی لوى اودایمی اصالت اوویاړدى اودبهرنیانوګټې اونفعې خوندې کول تلپاتى پیغوراوخورالنډی شیبې اومنزل لری