جګړه ساتی د سوله ساتو په نوم
سید شاه سقیم
له پرلپسې څو ساعتونو بې بریښنا تېرولو وروسته چې څنګه هم د کوټې په مېنځ کې لګېدلى ګروپ ناڅاپی روښانه شو د لیونی غوندې می په کمپیوټر ورمنډه کړه . د لګېدلو په تڼۍ می یې زور ور وکړ تر څو روښانه شو. ها خوا پروت د ټلېفون مزى می ورپسې ژر ژر په دې موخه وتاړه چې انټرڼیټ ورباندې کنیکڼت کړم .
له وروستیو پېښو څخه د ځان خبرولو د پاره می تر ټولو لومړى د پژاواک خبری اژانس وېب پاڼې ته سر ورښکاره کړ .
له څو شیبې ځنډ وروسته وېب پاڼه خلاصه شوه خو چې سترګې می پرې ولګېدې ورېږدېدم تر سترګومی ناڅاپه اوښکې توى شوې او د یو نااشنا درد احساس می وکړ .
هو د وېب پاڼې پر لومړی مخ په لومړی سر کې د یو بېګناه ، سپېڅلی ، مینناک ماشوم عکس وو . چې له څنګه یې لیکل شوی وو .
((امریکایی ځواکونو د ملی اردو دیوه افسر دکورنۍ پنځه غړی
ووژل ))
لاندې یې لیکلی وو چې په وژل شویو کسانو کې یو د اوو شپو ماشوم هم شامل دى .
له دې خبرو سره می نورد راپور ویلو توان په ځان کې وونه لید . هسې د تش کالبوت غوندې د کمپیوټر مخ ته کښېناستم . زړه می غوښتل تر څو د یاهو مسینجر له لارې پر لیکه شم او له چا څخه د چیټینګ په مرسته د پېښې په اړه نور مالومات واخلم خو په مغزو د زیات فشار له امله را څخه د خپلې ای ډی شیفرهم هېر غوندې شو . او همداسې لاس تر زنې د کمپیوټر مخ ته ناست وم .
سترګې می د راپور په سرلیک کې ښخې وې .
د خیال اسمان می ځان په ډول ډول وېرونکیو ورېځو کې پټ کړاو زړه می د ناهیلو کفن په سر راکش کړ .
اخېر سوله دې ته وایی ؟؟؟؟؟
ایا اوس امریکا زمونږ د هېواد د اوو شپو سپیڅلى ماشوم هم ترهګر بولی او وژل یې ځانته روا ګڼی .؟؟؟؟
زمونږ هغه مېندې چې د کور په دروازه کې د کور د سړی ټوخى واوری لا په اوومه کوټه ننوزی اوس د امریکا یی ځواکونه دا خبره رښتیا ده چې دغو ښځو په پردیو امریکایانو باندې ډزې وکړی ؟؟؟؟؟؟؟
که څه هم دغه وخت غرمه وه خو زړه می د نامېندۍ تورو لوخړو داسې په غېږ کې نیولى وو چې په کوټه کې رڼا ورځ راته توره تروږمۍ ښکاره شوه .
له کله نه می د کمپیوټر سره راشه درشه پیل شوې په دې نږدې وخت کې دا دویم ځل دى چې د راپور په لېدلو می له سترګو بې اختیاره اوښکې روانې شی .
تر دې وړاندې د رحمان بابا په مزار کې د بمی چاودنو راپور ژړولى وم او اوس دغه راپور چې پکې د بابا د اووشپو لمسى د ترهګر په نوم شهید کړاى شو .
وروسته له ډېره وخته می ذهنی کش مکش څه کم غوندې شو د بشپړ راپور لپاره می د راپور په سر لیک کلیک وکړ .
په راپور کې ویل شوی وو چې په وژل شویو کسانو کې په دغه بې ګناه ماشوم سربېره یوه ښځه چې هغه هم ښوونکې وه ، اتلس کلنه نجلۍ چې د لېسې زدکوونکې وه او دوه تنه نارینه هم وژل شوی
د خبر په زیاتو لوستلو می لا پسې د زړه درد ډېرېده .
لاندې بیا د امریکایی ځواکونو د ویاند خبرې وې
هغه ویلی وو چې دغه عملیات یې د قوی استخباراتی راپور وروسته ترسره کړی دی . په لومړی سر کې پرې وسلوالو ډزې وکړې او بیا دوى په ځوابی ډزو کې څلور تنه وسلوال ووژل چې هغه هم د حقانی د ډلې وو .
د راپور له لوستلو وروسته می لا سترګې وچې نه وې چې د لېونی غوندې را څخه بېواکه وخندل شول .
دې ته وایی سوله !
دې ته وایی رښتیا !
دې ته وایی سوله ساتی .. !
او دې ته وایی زمونږ د راتلونکی تت ژوند څراغونه .
په داسې سوله خودی سر له همدا ننه اور پورې شی چې زما د هېواد هغه ماشوم چې لا یې د مور شیدې په مړه ګېډه نه وی رودلى ترهګر شی او په داسې بېرحمۍ وژل کېږی .
د اوو شپو د ماشوم پلار کېداى شی خپل زوى لیدلى هم نه وو . چې دسولې پتنګانو یې ورباندې دیدن د حضر ( ع ) دیدن کړ
د سولې دغه ټېکدران چې د اسمان له هاغه سره یې پایڅې رانغښتې او وایی تاسو ته سوله راولو . تاسو به هم له دې وروسته زمونږ غوندې په ډیموکراسۍ کې ژوند تېروۍ همدې ته سوله وایی .
سوله دا ده چې زمونږ په ورا باندې بمونه وولی ؟ زمونږ د ښوونځی ښځینه ښوونکې او زدکوونکې په ټوپک وولی ؟
د سولې دغه فرښتې بیا خپله ملامتی هم نه منی او په سپینو سترګو کې وایی چې څلور وسلوال طالبان مو وژلی دی .
په پېښکې د دوو تنو وژل کېدل به لا یو څه د سړی زړه ته ولوېږی چې وژل شوی کسان به د حقانی د ډلې وو خو دغه دوې ښځې او د اوو شپو ماشوم هم د حقانی د ډلې وو . ؟؟؟؟
او بیا دا چې د ملی اردو د یو افسر کورنۍ د حقانی ډله وه ؟؟؟؟؟
په دې هېواد کې چې د ملی اردو د یو افسر د کور غړی هم د ترهګرپه په نوم وژل کېږی نو د هغو طالبانو به څه حال وی چې امریکا یې په منځلارو کې لا نه شمېری او توند لارې یې بولی .له هغوى سره امریکا خبری لا څه کوی سلام اچول هم ترهګری بولی
زما په خیال دوى فکر کړى دى چې د دېرشو کالو غمیزو به د افغانانو ماغزه خراب کړی وی او اوس چې ورته مونږ هر څه وایو منی به یې .
هو مونږ مجبور یو چې منو به یې .
ډېر مجبور .
ځکه
چې مونږ په لوى لاس د هغه پیر لاسنیوى کړى کوم چې خپله د سلو غلو یار دى .
ملی ټلواله د افغانستان له سیاسی ډګر څخه په تیښته ده؟
له بینوا نه په مننهمیرویس جلالزی
په افغانستان کې، د حامد کرزی د تر تولو ځواکمن مخالف سیاسی اتحاد(ملی ټلواله)پاشل کیدل خپل وروستی پړاو ته رسیدلی دی.په تیره یوه میاشت کې د جبهې دوه عمده او له نفوظ څخه ډکی سیاسی څیرې هر یو مارشال محمدقسیم فهیم او بدنامه جنګ سالار عبدالرشیددوستم د دغې څپ څپاندې جبهې له پیکرڅخه جلا شول او راتلونکو ټاکنو په اړه یې خپل دریځونه د جبهې له واحد دریځ څخه بیل بیل اعلام کړل.هغوی راتلونکو ټاکنو ته ځانګړی کړنلاری لری او ورسره ځانګړی اهداف.
((مارشال فهیم له کرزی سره اړخ لګوی؟))
مارشال فهیم د اپریل میاشتې په شپاړسمه نیټه نیغ په نیغه وروسته له هغه له جبهې سره خپلی حزبی اړیکی پرې کړې چې دغې جبهې د شمالی ایتلاف د وژل شوی مشر احمدشاه مسعود نژدی ملګری او د کرزی د حکومت د بهرنیو چارو پخوانی وزیر ډاکټرعبدالله عبدالله ولسمشریزو ټاکنو ته د خپل نوماند په توګه وټاکل.په اصل کې د فهیم دغه دریځ د ټلوالی له بنیادی اصولو او ژمنو سره په ټکر کې واقع شو.مارشال فهیم وویل چې د ډاکټر عبدالله عبدالله له کاندیداتورۍ سره نه دی، نه احمدضیامسعود او نه هم جنرال دوستم موافق دی.د مجاهدینو د لومړیو کرښو دغه قوماندان په دغو نیغو خبرو سربیره له خپل زاړه یار (حامدکرزی) سره د هغه په ټاکنیزو کمپاینونو کې د مرستې ټټر ته هم سوکان ورکړل.مارشال فهیم اوس په دې باور دی او دا وایې چې جبهې باید په یو بل کاندید فکر کړی وای داسی کاندید له که حامدکرزی چې د افغانانو پراخ ملاتړ ورسره دی.
((محمد محقق ، دوستم له ټلوالی څخه"جلا" کړ))
د جبهې د ټوکټوکیدا بل لامل د دغې ټلوالې د ازبکانو او شعیه هزاره ګانو مشرانو نوی ایتلاف دی.د جنرال دوستم په پخوانۍ مشری او د نورالله سادات په اوسنۍ مشری د جنبش ملی اسلامی ګوند او د محمد محقق په مشرۍ حزب وحدت اسلامی افغانستان هم راتلونکو ټاکنو کې د خپل نوم آند د بریالی توب لپاره ایتلاف جوړ کړ او دغه دوه تنظیمونه نور نو د ټلوالی سره یوه موخه نه لری بلکې لارې یې بیلی، موخی یې بیلی او هڅی یې بیلی دی.د تر لاسه شویو معلوماتو پر بنسټ محمد محقق او دوستم به د ولسمشرۍ د ماڼۍ" ارگ " له اوسنی واکدار یعنی حامد کرزی څخه په راتلونکو ټاکنو کې ملاتړ وکړی.
محمد محقق د مجاهدینو د بریالی توب د اولسم کال د تجلیل له مراسمو څو ورځی دمخه په خپله یوه غونډه کې د کرزی د لوډسپیکرپه توګه رول ولوباوه او په خپلو خبرو کې یې څو څو ځله د حامد کرزی ملاتړ وکړ.زما په اند له ملی ټلوالی څخه د مارشال فهیم، محمد محقق او جنرال دوستم وتل به چې یو یې په تاجک بلاک، بل یې په ازبک بلاک او دریم یې هم په هزار بلاک پوری تړلی دی، وکولای شی چې د جبهې په دننه کې د هرې ورځی په تیریدو د زهرو د غړپ په څیر د ناروغۍ او مرګ فضا حاکمه کړی.ښایې دغه مثلث ایتلاف د جبهې د ړنګیدو وروستۍ او بریالۍ هڅه وی.
((د مصطفی کاظمی مړینه او پر ټلوالې یې اغیزه))
د ولسې جرګې مړ شوی غړی سیدمصطفی کاظمی یو له هغو کسانو څخه وو چې د ملی ټلوالی د بنسټ په ایښودلو او دغه بنیاد ته یې د مرستو په را جلبولو کې پوره ونډه لرله.له دې څخه سترګی نه شو پتولای چې کاظمی د ایران له دولت سره نژدې اړیکی لرلی اود ایران دولت هم د ملی ټلوالی په جوړولو کې مهم رول درولود.کله چې کاظمی نه وو وژل شوی نو د ولومړی ځل لپاره یې د ۲۰۰۷کال د مارچې میاشتې په ۱۳مه نیټه د جبهې تر جوړیدو وروسته له خبریالانو سره وکتل او د جبهې د جوړښت او موخو په اړه یې ورته معلومات ورکړل.جبه داسی نه وه چې یوازی د ایران ملاتړ یې له ځان سره درلود.په دغه جبه کې پخوانی کمونیستان، مجاهدین، د شاهی خاندان کسان، تیکنوکراتان او یو شمیر د اوسنی حکومت عالی رتبه چارواکی هم غړی ول.د بیلا بیلو فرقو دغه یاد شوی کسان په یوه ډول نه په یو ډول یا له غربی ا یا هم له یو شمیر شرقی هیوادونو سره اړیکی لری او د هغوی له خوا اوس هم ملاتړ کیږی.داسی رپوټونه شته کله چې مصطفی کاظمی په یوه ترهګریز برید کې د بغلان په ولایت کې ووژل شو له هغه وروسته د جبهې په مشرتابه کړۍ کې لانجې را پورته شوی ، ټلواله له مالی اړخ څخه هم له ستونزو سره مخ شوه او ایرانی چارواکو دا پیش بینی کړی وه چې که چیرته کاظمی نه وی نو دغه ستونزی متصوری دی چې همداسی هم وشول.د کاظمی تر مړینې وروسته جبهې خپل لومړی دریځ له لاسه ورکړ او یو ډول انرشی پکې حکم فرما شوه.یو پر بل د ملې ټلوالی د غړو باور کم شو او یو بل ته سره غله شول.
د ملی ټلوالی کورنۍ کړکیچ
((د ټلوالی د پاشل کیدو خوځښت))
د جبهې دوهم کورنۍ کړکیچ له دغې ټلوالی څخه د شاهی کورنۍ د مقتدر غړی مصطفی ظاهر تدریجی لری والی دی.کله چې په ۲۰۰۸ کال کې ظاهرشاه ومړ نو مصطفی ظاهر د شاهی کورنۍ د مشر وارث په توګه پاتی شو په داسی حال کې چې نوموړی هم د ټلوالی غړی توب درلود.نوموړی د ظاهر شاه له مړینی وروسته له ټلوالی څخه په نیغه توګه نه خو په یوه نه په یوه بهانه ځان جلا کړ.د ۲۰۰۹ کال یعنی روان کال په سر کې له ملی جبهې څخه د شاهی کورنۍ د تیکنوکراتانو جلا والی هم د لمر په شان روښانه شو.
د ملی جبهې د پاشل کیدو دریم پړاو د شاهی کورنۍ له غړو وروسته له جبهې څخه د یو شمیر کمونیست پلوه څیرو بیلوالی وو.د بینوا ویب سایت محترمو لوستونکو حزب دیموکراتیک خلق افغانستان غړی هم د ملی ټلوالی په جوړښت کې شامل ول.حبیب منګل هغه کس وو چې د حزب دیموکراتیک خلق افغانستان غړی توب یې درلود او د جبهې له جوړیدو سره له دغې جبهې سره یو ځای شوی وو خو اوس نوموړی ولسمشریزو ټاکنو ته نوم آند دی.د حبیب منګل له دغه کړنی داسی ښکاری چې یو شمیر پخوانی کمونستان چې د جبهې په ترکیب کې ول اوس سوکه سوکه له دغې ټلوالی واټن نیسی او ترینه په وتلو دی.
خو اوس دا روښانه خبره ده چې د ملی ټلوالی له مینځه تګ خپلو وروستیو پړاونو ته رسیدلی دی.ډ ټلوالی خپل منځی شخړی، د نظرونو توپیر او د موخو بیلوالی هغه څه دی چې د جبهې د اصولو سره په ټکر کې واقع شوی او د هرې ورځی په تیریدو د جبهې غړی یو له بل څخه واټن نیسی.ملی جبهه د حامدکرزی د حکومت پر وړاندی د مخالفو سیاسی ډلو وروستی هغه ګډ خوځښت وو چې په ۲۰۰۷ کال کې پیل شو خو د دوو کلونو په تیریدو یعنی د ۲۰۰۹ کال په راتګ سره اوس د له مینځه تګ واټن وهی. لیکوال میرویس جلالزی
له بینوانه په مننه
دورېښموچنجى خپل وزن په ۵۶ وروځوکی۸۶۰۰ واره کموی.
نوې کنګورو(Kangaroo)ژوې چی پیداشی اوږدوالی ئې 2.5cmوی.
دکنګروغټ جمپ چی په یووارغورځی ۲۷ فوټه کیږی.
دباران څاڅکى د0.5mm-2.5mm پوری وی.
په ټوله نړۍ کی ترټولوکوچنى کب د(Trimattananus)په نامه سره یادیږی اواوږدوالى ئې 0.33دى.
جنوبی قطب په ۸۸۵۰ فوټه یخی باندی پوښل شویدى.
ستورى کب(Starfish) دهرلاس په اخرکی یوه- یوه سترګه لری.
په ټوله نړۍ کی ترټولوغټ مسلمان هیواداندونیزیاده چی دنړۍ څلورم غټ هیواداو۱۸۴ میلیونه مسلمانا پکښې اوسیږی.
دمسجدنبوی دهرې درواځې وزن ۲ ټنه دى، دالرګى دکمپیوټرپه واسطه په ۵ میاشتوکی وچ شویدى، دالرګى ئې دوچیدولپاره وبرطانې ته یووړل شو، اصلی بڼه ئې په هسپانیه کی جوړه شوه پاته جوړښت ئې په فرانسه کی تکمیل شو.
دچیچک (Smallpox)اودشری (Measle)معلومات دلومړی ځل لپاره یومسلمان ساینس پوه ابوبکرالرازی(۹۲۵-۸۶۴) پخپل کتاب کی ولیکل خومتاسفانه ددې واکسین انعام دلومړی ځل لپاره و(Edward Jenner)اډوارډ جینرته(۱۷۴۹-۱۸۲۳) ورکول شول.
دترباټ(Turbot)کب پخپل ټول ژوندکی تخمیناً۱۴ میلیونه هګۍ اچوی.
په ټوله نړۍ کی ترټولوغټ ګل د(Rufflesia)په نامه سره یادیږی چی ۳ متره اوږدوالى لری.
بادهغه وخت کراردی چی سرعت ئې د1mile/hour څخه لږ وی.
دکراټې (Karate)دتوری مانا (خالی لاس) ده . څرنګه چی کراټه دلومړی ځل لپاره چینایانوشروکړه په چین کی دانګرېزانوپه خلاف اودوى خالی لاس وه.
په ټوله نړۍ کی دکمبوډیادژبې دالفباءتوری ډېردی چی شمارئې ۷۴ توری دی.
دهوائی ژبې الفباء توری صرف۱۲ دی.
موږپه ورځ کی نیم لېټراوبه دتنفس له لارې خارجوو.
قهوه (Coffee)چی کله وکرل شی پنځه کاله وروسته حاصل ورکوی.
کله چی انسان مړکیږی ترټولولومړى ئې باصره(دلیدوحس) کارپرېږدی اوترټولواخرئې سمع(داورېدوحس) کارپرېږدی.
دخنداپه وخت کی ۱۲ غړی پکارلویږی.
په هره دقیقه کی دانسان په بدن کی (۳۰۰)میلیونه حجرې(ژونکې) مړې کیږی.
په دوړدوړکې کی دبادسرعت 300/mphدى.
په ټوله نړۍ کی ترټولوکوچنى وزرلرونکى حشره دتانزانیاغالبوزه ده چی دکورنی مچ دسترګې څخه هم کوچنۍ ده.
په نړۍ کی په (۴۱۸۰۶) ژبوباندې خلک خبرې کوی.
هره ورځ دانسان په بدن کی ۱۰۰ بیلونه دوینې سره کٌرویات جوړیږی.
کله چی یوشى زموږ سره ونښلی، خبریې زموږودماغ ته د124/mphپه سرعت کی رسیږی.
زموږ سترګې په یوواردیومیلیون رنګونودلیدوجوګه دی.
زموږ سږی(Lungs)هره ورځ ۲ میلیونه لېټره هوااخلی اوخارجوی.
قلم دلومړی ځل لپاره حضرت ادریس علیه سلام اختراع کړئ
ژمنځ دلومړی ځل لپاره حضرت اسماعیل علیه سلام جوره کړه