لیلام،لیلام یوکلى په سل ډالره
له ریان ټکی نه په مننه
رښتیا خبره ده چی هر انسان د خپلی ژبی شاته پټ دى، ترڅو چی څوک خبره ونکړی، نه معلومیږی چی (په ویرانه کی خزانه ده) او که (نادان خوش لباس) یو حکومت،نظام،تنظیم او مفکوره هم کله چی په عمل کښی پیاده شی معلومیږی چی څومره کفایت لری.انسانیت ته څومره نیک مرغی را وړلاى شی او یا یی څومره د بدر مرغی کندی ته رسوی.
کمونیزم یوه مفکوره وه، د حاکمیت ساحه یی په تړلی سیمه کی وه خو چی سوړه یی وکړه،په الوتکو او ټانګونو کښی افغانستان ته را ورسیدله. معلومه شوه چی هغه د وحشت او بربریت یوه ټولګه وه چی تر اوسه یی لا په وحشت کی شهیدان شوی او ټپیان شوی شمیرل شوی نه دی…
دیموکراسی خو ډیروخلکوته د جنت د ژوند یو بل نوم ؤ، خو چی په الوتکو کښی را والوته ،د ټانګونو په ورا کښی راغله ،بمبارد او وژل تړل یی بیلګی وی ،په بن (جرمنی) کښی خطا ایستل ،بی ریښو خلګ را ټولول او بیا د یوه هیواد په برخه لیک لوبی کول یی ولیدل شول ، معلومه شوه چی هغه هم شیطانی جال او تمثیل کووونکی یی ستر شیطانان وو.
لویه جرګه،انتخابات او نور هرڅه یی زر،زور او تزویر وو…
د ریاست جمهوری لپاره په انتخاباتو کی، ددیموکراسی د تمثیل لپاره یی د ډالرو کڅوړی خلاصی کړی.لکه د افغانستان د اشغال په مهال چی د قومندانانو بیه معلومه وه ، لوړه یی پنځوس زره ډالره وه چی ورباندی د هیواد داشغال د جواز وثیقی لاسلیک کیدلی.په لس زره ډالرو تنظیمونه جوړ او بیا د امریکایانو په چوپړ کښی ودریدل....
په هر حال خبره د انتخاباتو وه ،د کارت اخستلو لپاره تبلیغ وشو، له بازارونو او روغتونونو څخه په ممانعت خلک تهدید شول. د خلکو، په تیره ښیځنه وو په غیاپب کی کارتونه ور کړل شول او بیا د خیالی رئیس جمهورانو په صندو قونو کی هم د یوه شخص په لاس د یوه کلی کارتونه را غونډ او په هغی سیمه کښی د مسلط خیالی جمهور رئیس په صندوق کښی ولویدل.
کره خبره ده چی دیوه کلی د نارینه او ښځینه وو کارتونه د سل ډالره په اخستلو یو ځاى صندوق ته لویدل.
اوس بیا انتخابات را روان دی، تبلیغ او تهدید ورته کیږی. خو دا ځل به یی ممکن کلیو ته په بیه کښی فرق راغلی وی، ځکه هغه مهال لا ځینی بی تجربی خلکو څه هیله در لوده. ددولت وسله وال مخالفین هم په اوسنی موقف کی نه وو.نن سبا نه دخلکو داهیله ده چی دولت ،حکومت اوخارجیان به خدمت را ته وکړی او نه وسله وال مخالفین یی دومره کمزوری دی چی انتخابات تهدید نه کړاى شی. دا چی کابل مصؤن نه دى، په ولایتونو کی خو د امنیت هیڅ څرک نشته. نوزما خیال دى چی دا ځل به د کارتونو بیه لوړه وی.خو که هر څومره لوړه شی، ایا په دی ارزی چی یا د خپل وجدان په خلاف، په داسی حال کښی چاته رایه ورکړل شی چی په هغه سره نورو بمباریو ،تلاشیو او وژنو ته مشروعیت ورکړی او یا د یوی رایی په ورکړه د سر تهدید په ځان ومنی.
زما په باور به داځل که ورته ورسیدل، د انتخاباتو پایله تر تیر وار خورا ورانه او ټول دار میدار به یی په غولولو ،دروغو او دوکو وی.
اوس چی اعلانونه کیږی ،په فلانی ولایت کښی دومره کسانو کارتونه واخستل او د میرمنو فیصدی پکښی تر ٣٠-٤٠ زیاته ښیی،ایا څه فکر کیږی د ښځو د کارتونو د اخستلو یو فیصد امکان شته.
ماته چی وضع معلومیږی خو دا امکان نه لیدل کیږی ،داسی کیدلاى شی چی هسی چاته د وهمی اوخیالی نومونو په درج ،کارتونه وسپاری او بیا یی دډالرو په بدل کښی بیرته هغسی سر جم واخلی...
سپىنه خبر
امرىکا دافغانستان جنگ ضرور باىلی !!
د یو سړی زوی چاقتل کړی وه او هغه یو وکیل سره خبره کوله چی په څو روپیو راته د زوی قضیه خلاصولاشی؟ وکیل ورته وویل چی پنځه زره روپی به راکړی مګر د ددوسی د دروندوالی په مقابل کی دغه پیسی ډیری کمی وی نو ځکه د هلک پلار د بل وکیل سره په پنځوس زره روپیو فیصله وکړه او پیسی یی ورکړی، وکیل خپل ټول وس وکړو او تر اوږدی مودی وروسته په هلک د اعدام فیصله وکړه، د هلک پلار ولیدل چی وکیل ډیره خواری وکړه خو کامیاب نشو نو ځکه یی خپلی ګیله هم ترینه ونکړه. کله چی د عدالت په زینه باندی د هلک پلار د اخیری ځل لپاره راښکته کیده نو هغه لومړی وکیل ورته لاندی ولاړ وو، او ورته یی وویل چی دا کار ما درته په پنځه زره روپی کولو خو تا په خپله په پنځوس زره روپیو وکړ.
امریکایان چی کوم کاردڅوکلونوڅخه وروسته کوی بایدچی نن یی وکړی تر څو د خپلو ځوانانو، او هم د افغان مظلوم ملت د مرګ او درد مخه ونیسی. ځکه هغه څه چی ړیوال اووه کاله وروسته ګوری دا ترینه په ښکاره جوتیږی چی امریکا د افغانستان جنګ بایللی دی خو هغوی لکه چی الله ج فرمایلی دی دحیواناتو څخه هم بدتر دی. د امریکایانو د شکست ځینی ښکاره دلایل دا دی: ۱. د امریکایانو په وړاندی کرکه، نفرت او د افغانانو مسلحانه جهاد د هر کال په تیریدو زیات شوی دی او د امریکایانو او د هغوی د لاسپوڅو د مړینی تعداد ورځ په ورځ زایتیږی.
۲. جنګونه او بغاوتونه د غرونو څخه اوس ښارونو او حتی پایتخت ته راورسیدل.
۳. د امریکایانو اعتبار په عامو خلکو کی د صفر سره برابر شو، ځکه خلکو چی کوم امیدونه لری چی د امریکا په راتلو سره به سرکونه پاخه شی، بریښنا به هر کور ته ورسیږی، بیکاری او بی وزلی به له منځه ولاړه شی او په علمی، امنیتی، اخلاقی او صحی برخو کی به د پام وړ بدلون راشی، هغه یو هم ونشو حتی د کیفیت او کمیت دواړو له مخی نور هم د بربادی خواته ولاړو.
۴. په بین المللی ډول د امریکایانو لاسپوځی اداره په رشوت،نا اهلۍ،اداری فساد، د مخدراتو په کاروبار او داسی نورو صفاتو وپیژندل شوه.
۵. هغه ویره او ډار چی د امریکایی قواوو څخه موجود و، د خلکو له زړونو څخه وتلی او اوس خلک د زندانی کیدو او وژلو پروا نکوی، حتی د ښار ماډرن هلکان هم اوس د جهاد او د یرغلګرو سره د مقابلی حوس کوی، او په دی امید دی چی څومره ژر کیدای شی خپله ونډه ترسره کړی.
۶. د امریکا اکمالاتی لاره چې د کراچۍ څخه تر خیبره غزیدلی ده، اوس د لری پښتونخوا د خلکو لخوا تر دروند فشار لاندی ده او ناتو او امریکایان نشی کولای چی دا لاره نوره استعمال کړی. او که ددی پر ځای هره بله لاره وکاروی نو باید مالی لګښت یی څو چنده زیات شی. او دا هم ممکنه ده چی هغه لاره یی هم د تهدید لاندی راشی او پرتی قواوی یواځی د هوا له لاری اکمالات وکړی چی دا به بیا امریکا ته ډیر ژر د ماتی زیری ورکړی.
۷. امریکایان اوس غواړی په افغانستان کی اربکی جوړ کړی چی دا د یرغلګرو اخری او وروستی هڅه وی تر څو د خپلی خاوری خلک په خپلو خلکو ووژنی. دا ټول کارونه روسانو یوه لسیزه مخکی په همدی شکل سره ترسره کړی وو خو انجام یی څه شو؟
۸. کله چی هر ظالم په تندی سخت ګوزار وخوری او نور د جنګ تابیا نلری نو بیا د سولی خبری شروع کړی، که دا خبری د مسلحومجاهدینو سره وی، نو ولی دا اوه کاله مخکی نه کیدی؟ څه وشول چی دی ته رامات شول چی خبرو ته غاړه کیږدی؟ درد یی ولید، مقاومت یی ولید، د ایمان زور یی ولید او یو څو جنازی یی په کور ورننوتی.
۹. ډیر ژر به دیرش زره تازه دمه امریکایی عسکر راورسیږی او د افغانستان په مختلفو ځایونو کی به ځای پرځای شی، او هغه مخالفین چی په میاشتو میاشتو انتظار باسی تر څو امریکای کتار په ګوتو ورشی، اوس به هره ورځ او یا هره اونۍ یو ښکار وربرابریږی او په دی شان به د جنازو لړی د غربی هیوادونو په خوا تیزه شی. په نتیجه کی به غربی وګړی او په خاصه توګه د مړو شویو کورنۍ د خپلو حکومتونو سره په جنجال واوړی او پر حکومتونو به فشار راشی، په دی ډول به یو یو هیواد خپل عسکر اوباسی او امریکایان به یواځی پاتی شی، جنګی مصارف به یی لوړ شی او په هغه ویروس به اخته شی چی روسان پری اخته شوی وه.
۱۰. د افغانانو مقاومت لله الحمد په هیڅ خارجی کومک ندی ولاړ پرته د الله ج د مرستی څخه. نو ځکه دا یو دوامداره جګړه ده، او هیڅ مالی او ځانی خارجی مرستی ته اړتیا نشته، هر افغان څه ناڅه وسله لری او افغانستان دداسی میندو څخه ډک دی چی هر کال یو بچی راوړی او بیا هغه ته په کوچنیوالی کی د جهاد او شهادت درس ورکړی. ما ډیر داسی کسان لیدلی چی په زامنو د شهیدانو نومونه ږدی او بیا وایی چی زما زوی غټ شی دا به هم جهاد کوی او که خدای ته منظوره وی د شهادت مقام به ترلاسه کوی. خیر که ددی کسانو تعداد د خلکو په نظر کی کم هم وی، خو تفاوت په دی کی دی چی یوی خوا ته هغه کسان دی چی په جنګ کی مرګ خپله کامیابی او سرلوړی ګڼی او بلی خوا ته داسی کسان چی په هیڅ قیمت مرګ ته حاضر ندی او د دنیا ژوند د هغوی لپاره هر څه دی.
اوباما به افغانستان ته ډیر پوځونه راولیږی، د بش غوندی دی خپل ځان ستړی کړی، څه چی یی له لاسه پوره دی ودی کړی، خو په یاد ساتی چی ډیر ژر به ووینی چی خپله پالیسی بدله کړی او بیا به وایی چی مونږ خپل پوځونه د افغانستان څخه اوباسو او نور مونږ دلته نه پاتی کیږو، بیا به د کابل په اداره کی ناستو لاسپوڅو ته ووایی چی بس نور مو کار خپل دی او هغه وخت به بیا دا یارانه نه وی.
امریکایان خو وایی چی دا جګړه به پنځه یا لس کاله ونیسی، دا هغه څه دی چی دوی ګومان کوی چی دوی به دا جګړه تر لسو کلونو پوری پرمخ بوځی، مګر مطمین نه دی چی ددی توانایی به ولری او که نه؟ خو ددی څخه خبر ندی چی ددوی مخالفین هم یوه اوږده او نه ستړی کیدونکی جنګی ستراتیژی په نظر کی لری او هغه دا چی هغوی د سلو کالو لپاره جنګی پلان لری، ځکه چی ما داسی کسان ولیدل چی اوس اوس خپلو زامنو ته دوه دوه او دری دری ودونه کوی او هغوی ته وایی چی کوښښ وکړی چی زیات زامن وزیږوی اوبیا دآزادۍ درس ورکړی تر څو د غلیم سره قربانی ته تیار شی او په راتلونکی کی دا تحریک پر مخ بوځی.
نو زما توصیه (درخواست ندی) د امریکا نوی ولسمشر ته دا دى چی لږ په خپل ګریوان کی سر ښکته کړی او هغه فیصله نن وکړی کومه چی به په څو راتلونکو کلونو کی کوی، مګر بیا به ډیری ځوانی خاوری شوی وی او ډیری ښځی به کونډی او ډیر ماشومان به یتیمان شوی وی خو هیڅ به هم په لاس ورنشی
تندلاری اومینځ لاری
م غ معتصم
کله چی دامریکانړیوال تجارتی مرکزدبریدهدف وګرځیدپه هغه ورځ می دخپل ژوندله یوخاص ملګری سره دخواجه رواش دهوایی ډګرپه یوه څنډه کې په خبروبوخت وم چی د مسعودپه وژنه موله یوبل سره خبرې کولې دخبرونووخت ووراډیوته می لاس کړ په موجومی ګوتې وروهلې چی تازه دبی بی سی خپرونه مخې ته راغله د ستنې له دریدوسره می یوناشنااوحیرانونکى خبرواوریدچی دنیویارک په تجارتی مرکزدبرید خبرؤ،هوپه رښتیاحیرانونکى ؤ- ملګری می دتکبیراوماشاءالله اوالحمدلله په ویلوسره د خپلې خوښۍ اظهاروکړخوزه خپله دلږوخت لپاره دسوچونواوفکرونوپه سمندرکې ډوب شوم- ملګری می په تعجب سره راته وویل ته څنګه سړى یی دراډیوپه خبره دی سرنشو خلاص ته غوږشه څه وایی؟په ځواب کی می ورته وویل هوپوه شوم- ده راته وویل نوبیا ولی؟........؟ورته می دشهیدنصرالله منصوررحمةالله علیه هغه خبره تکرارکړه چی څوکاله مخکې یی موږته یوه مجلس کې کړېوه ویل یی چی دسره استعمارڅخه به په خدایی نصرت نجات موموخودغرب دچپاوانتظاربه باسو-
ملګری ته می هغه مشهورمتل ووایوچی چرګه می ناجوړه ده پلمه می ورته جوړه ده، زه ددې خبرې یاپه بله اصطلاح ددې زیری په پایله کې دخپل اسلامی نظام لپاره راتلونکى په خطرکې وینم له یوې خوادملل متحدمنحوسه اوکرغیړنه پالیسی دامارت په خلاف اوله بله پلوه داروپا،اوشوروی مستقل روابط چی په نظامی ډګر کې داسلامی امارت له مخالیفو سره لری اوهمدارازدبهانې په ډول دغرب هغه اندیښنې چی داسلامی نظام له ټینګښت او پایښت څخه لری خوبیاهم خیرڅه چی دخالق تقدیرلیکلی وی هغه به کیږی- له تفصیل څخه به ډډه وکړورابه شودغرب واکمنوته چی د اسلامی امارت په ضدیی خپله کرکه او کینه وښودله اوپه ډیرغروراوتکبرسره یی داسلامی امارت لخواله ډیپلوماټیکوروابطو،د خبرواترواوهرډول وړاندیزونوپه ردولوسره خپل ضرب الاجل اعلان کړ-
- په نتیجه کې یی دافغانستان اسلامی امارت شاتګ ته اړ اودځینومشروعه دلائلوله مخی یی عقب نشینی وکړه داسلامی امارت لوړرتبه اوټیټ رتبه مامورینودعفوې حق نه درلودى ،نه داآزادۍ مستحق ؤاونه یی پخلپه مورنۍ اوپلرنۍ خاوره کې دژوندکولوحق درلود بلاخره موځینی شازلمیانواتلانودشهادت جامونه نوش کړل،ځینی مودنړۍ په مختلفوبرخودکرغیړنواووحشی زندانونومیلمانه شول اوځینی دهیوادپه مختلفوسیمو کې دجهادی صبغې دبیااحیاپه موخه په غرونواورغونوکې سنګرونه ونیول ،چی غرونو ورته هم پخپلې سابقی جهادی مینې سره دمحبت غیږخلاصه کړه چی اسلامی امت ورسره تازه ساه واخیسته ،دجهادسنګرونه ګرم شول،جبهې اومحاذونه پرانستل شول،ولسوالۍ اوِِښارونه فتح شول خبره لنډوم داڅنګه چی ترپرونه په هراصل اوقانون دهرجرم مرتکب وم د بخښلوچانس می نه درلود،په نړۍ کې داسی محکمه نه وه چی زه په کې سزاشوى واى ځکه زه دداسی جرم مرتکب وم چی په هیڅ محکمه کې سزانه ورته پیداکیده خونن دعفوې او درګزردروازی موږته خلاصی دی،دافغانستان دخاوری بچی بلل کیږو،دآزادۍ حق لرو- وایی کله چی خټې ډیری شی فیلان هم ښویږی دادخداى دنصرت دوعدوهغه آثاردی چی الله تعالى پخپل کلام کی راته بیان کړى ،داداسلام اومجاهدینوحقیقت دى چی تواناذات یی پخپل قدرت سره دنړۍ مسلمانانوته ورښی-
رسول الله صلى الله علیه وسلم فرمایی بدالاسلام غریباوسیعودکمابداء ددې حدیث تحویل زه داسی کولاى شم چی په صدرداسلام کې دمستضعفومجاهدینوپه لاس لوى خداى جله جلاله دنړۍ دوه ابرقدرتونه سرنګون کړل چی یویی قیصرروم اوبل یی کسرى فارس ؤ، هغه مدینه چی داسلام په تاریخ کې دمجاهدینولومړۍ چاوڼۍ یاقرارګاه وه –ډیردتعجب او حیرانتیاخبره دا وه چی دمدینې په انګړکې دروم اوفارس غنائم تقسیمیدل داهغه صحنه وه چی دجامعې دهرفردعقل له داسی وړاندوینی څخه عاجزؤ- نن هم دتواناذات په نصرت د ضعیفومجاهدینوپه لاس یی هغه غیرممکن ممکن وګرځاوه کوم چی نړۍ امریکادیوه لایزال په نوم نوموله اوورسره مقابله دانسان له وس اوتوان څخه دباندی بلله کیده خونن ګوروچی ددوئ په اصطلاح هغه لایزال قوت په زوال راغلى – کله دمینځ لارواوتندلاروپه نامه اوکله بیادجنګ غوښوتونکواوسوغواړواوکله په یواوبل نامه دصلح اومذاکراتوپیشنهادونه کوی- هرڅوک په دې پوهیږی چی غواتوره شیدې یی سپینې دی- دامریکایانوشکست یوه بدهی خبره ده په شف شف ویلوسره غواړی چی له افغانستان څخه دپښوسپکولولپاره یوه معقوله لاره پیداکړی- داوبامالخوادمینځ لاروپه نامه دصلح پیشنهادداپه حقیقت کی پخپل شکست اعتراف کول دی اودملت دغولونې لپاره کله ناکله داسی الفاظ کاروی-
لله لحمددافغانستان اسلامی امارت په یوقومی اومادی اسبابوولاړتحریک نه بلکې داد نړۍ دمسلمانانودامیدونواوارمانونویوه مرجع ده اولارویان یی دپاکوسپیڅلوصفاتو خاوندان دی چی ترټولویی لوړاوسترصفت دادى چی دخپل محبوب دشریعت داقامی لپاره ددین ددښمنانوپه مقابل کې دفولادوپه شان ولاړدى- نه له مرګ اوزوبلې ویریدل اونه له تهدیداوفشارڅخه اونه ددښمن دتوطیواودسیسوله خپل سپیڅلی هدف څخه واړول او نه هم مادی طمعې اوحرص !
اشداءعلى الکفاررحماءبینهم او ویوثرون على انفسهم ولوکان بهم خصاصه –
دا داواړه هغه صفات دی چی دمسلمانانودعزت،حریت اوعظمت تضمین کوی-
په آخرکې زه خپلې لیکنې ته په یوه تکراری جمله دپاى ټکى ږدم چی تندلاری اومینځ لاری په اسلام کې نشته موږټول دیومعتدل اسلام دلاری لارویان یوکه څوک بیاهم تندلاری او مینځ لاری ثابتول غواړی نودابه بیاپه اسلام کې دلاس وهنې معنى لری او
این خیال است محال است وجنون