امریکاافغانستان کی ټکنانونه وخوړل !!
( فریدانور )
له مبالغې پرته واقعاً افغانستان امریکایانو ته اوس مهال په یوه غټ اولوى سرخوږی بدل شوى!! دنورې نړۍ اوبل هرهیواد په نسبت دلته ( افغانستان کې ) دامریکایانو ځانی تلفات اومالی زیانونه په څو وارې ډېردی ، چې په دې وروستیوکې یې سلنه تروروستۍ کچې هم اوښتې !! دغه وجه ده چې دامریکا دواک دتالارو دننه اوبېرون دامریکا نظامی جنرالان اوعام سیاستوال په یوه جدی روحی وارخطایی او مرموزه لالهاندۍ کې ښکېل برېښی !اوپه دې هڅو بوخت دی چې څنګه دامریکا نړیوال '' وقار '' ته داوړو پوزه کیږدی! ! اودافغانستان څخه دنجات لاره پیداکړی .....
هو! په هیواد کې دروان جهادی مقاومت تاریخی بریاوو اودآزادی دسپېڅلې مبارزې پولادی او اوسپنیزوسنګرونو دامریکایانو مغرورو روحیاتواوکبرجنو مغزوته داسې لړزوونکی ټکنانونه ورکړې چې اوس هغوى په خپلو منځوکې هم سره وېشلی ښکاری !! اوپه ضد ونقیض ویناوو اوڅرګندونواخته شوی !! اومونږ په دې پوهیږو چې دامریکا په سویه دپرمختللې دولت په استعماری تنه کې دغه چاودون څنګه اهمیت او دڅومره تعجب وړ دى ؟
دامریکا دفوځ دګډې قوماندانۍ قوماندان جنرال '' ایډمرل مایک مولن '' په دې وروستیوکې په خپل یوه سرپوښ ( محرم ) راپورکې اعتراف کړى اومنلې دی چې په نړیواله توګه دکمزوری ملاتړاو په افغانستان اوعراق کې دروان جنګ دستونزو له امله دامریکا اردو اوفوځ دکوم بل ناڅاپی '' بحران '' سره دمقابلې کولو توان اوصلاحیت نلری !!په راپورکې ویل شوی : دپرلپسې جنګونو اودمقابل لوری فدایی بریدونو ، غلچکیو حملو اوبمی چاودنوسره لاس اوګرېوان فوځیان یې اوس مهال دهیڅ بل نوی پړاو دپیلولو اوپکې دګډون حوصله نه لری !!!
دامریکا دفوځ ددې لوړرتبه جنرال په دې راپورکې چې کوم '' انکشافات '' شوی واقعاً هم داسې ده !! امریکایان دهمداسې یوه حالت سره مخ دی ، اودخپل راتلونکی په باب دیوشمېر جدی ننګونو سره مخ دی !! امریکایی واکمن اوسیاستوال کوښښ او هڅې کوی چې ددیپلوماسی په کارولو سره حالات دځان لپاره کوم درست نهج ته بوځی !! '' مایک مولن '' چې کوم څه منلی ، هغه داحقیقت اوثبوت رابرسیره کوی چې امریکا دخپل ظالمانه معاصرځواک په مټ ونشواى کړاى چې په سیمه اوپه خاصه توګه افغانستان کې خپل شرمېدلی اهداف ترلاسه کړی !! اوپه دې اړه یې استعماری پالیسۍ اوخونړۍ ستراتیژی په پوره توګه ناکامه شوې !! دامریکا دعسکرو مورالونه پرېوتی اوعصاب یې شل شوی . نور دکومې اوږدمهالې جګړې کولو تاب نه لری !!
دنړۍ یودروند شمېر سیاسسی کارپوهان اوڅېړونکی په نظامی اوسیاسی دواړو ډګرونو کې دامریکا اوسنی کردار ته په پام په دې اند دی : که امریکا خپله زړه ظالمانه تګلاره وانه ړوی !اوپکې دپام وړ تغیر اوبدلون رانه ولی !! اوپه خاصه توګه داسلامی نړۍ سره خپله دتعصب اوکینې '' عقده '' له زړه څخه ونه باسی !! نو په ډېر '' وثوق '' سره ویلاى شو چې ددې ناروا کردار راتلونکې پایلې به پخپله دامریکا لپاره لړزوونکې وی !!
ولې مونږ ته داجوته شوه چې کله دیولسم ستمبر دپېښو څخه وروسته دبوش دولت پرته ددې څخه چې دافغانانو تاریخ ، کلتور، عنعنات، اوجغرافیوی ځانګړتیاوې معلومې کړی ! او ورته په پام جنګی ستراتیژی جوړه کړی ، په نهایتى عجلت او چټکی یې یرغل وکړ !! دبوش ددې ناڅاپی اوعاجل یرغل بدې پایلې نن دامریکا نوى دولت ته په میراث کې پاتې دی اوهغه یې زغمی !! که په دقیق ډول د'' اوباما '' دوره وڅېړو او ورته ځیرشو نو هغه اودهغه کابینه دبوش په امر دپیل جنګ سره نابلد برېښی !! اوپه اړه یې کمزوری احساسوی ددې سپیناوى ترټولو ښه اوتازه مثال زمونږ دګاونډی هیواد پاکستان په سوات اودملاکنډ په زون کې دځایی طالبانو اودپاکستان دولت ترمنځ داسلامی نظامی دنفاذ په اړه دشوې لوظنامې اوتړون په باره کې داوباما دکابینې غړود ضد ونقیض ویناوو اوغبرګونونو څخه کیږی .
دامریکا ددفاع وزیر رابرټ ګیټس ددغه تړون په باره کې وایی: که په سوات کې جنګیالی وسلې په ځمکه کیږدی ! نو دوى په افغانستان کې هم په دېته ورته لوظنامو اودتړونونو په کولو نیوکې نلری !!دګیټس ددې وینا څرګند اوساده مطلب دادى چې ګیټس دسوات دلوظنامې توثیق اوملاتړ کوی !! خو بل پلو دافغانستان اوپاکستان لپاره دامریکا ددولت خاص سلاکار '' رچرډ هالبروک '' دپاکستان ولسمشر زرداری ته دتلیفون په لیکه دسوات دشوی تړون په باب دامریکانیوکې اواندېښنې په ډاګه کړې !! اوداکاریې دجنګیالیو په وړاندې دوسلې په کېښودلو سره تعبیر کړې !! اوهم هغه په خپل یوه خبری کانفرانس کې دطالبانو سره ددغه ډول لوظنامو کول دپوهې څخه بېرون کار ګڼلى !!
اودامریکادبهرنیو چارو وزیرې '' هیلری کلینټن '' بیا خپله بې باوری ښودلې او ویلی یې دی چې دې ته تراوسه دانده جوته چې په افغانستان اوپاکستان دواړوکې ولې ددغسې امنیتی ستونزو په باب په خبروکې وړاندېوالى راځی ؟
نویواځې دیوې پېښې په باب بېرون ته ددومره وېشلو اومتضادو نظرونو راوتل دادریځ پیاوړی کوی چې امریکای واکمنو روحیات دعراق اوافغانستان جنګونو داسې لړزولی چې اوس په خپلو منځوکې هغه رسمی اوتشریفاتی وحدت او دپالیسۍ توافقات هم نشی رعایتولى !! هم دې ته په پام داوباما دکابینې په باب داتاثر چې دابهام ښکارده !! اوډېره کمزوری کاری تجربه لری بې ځایه ندی ولې چې تردې مهاله داوباما دولت اوکابینه په دې نده توانېدلې چې دبوش وروسته دافغانستان په باب خپله نوې تګلاره یاپالیسی جوړه اواعلان کړی !!
اوس داچې ددې ټولې سیمې اوپه ځانګړې توګه دافغانستان سیاست دامریکایانو په وړاندې څومره پېچلې اوستونزمن شوې ، امریکایانو هیڅکله همداسې نه انګېرله چې دوى به دداسې یوه ځوروونکی حالت سره مخ کیږی !! ولې چې اوس مهال دامریکا پربهرنی سیاست کې دافغانستان ستونزه ترټولو لویه ده !! کومې ته چې دامریکا پلوه کړیو ترمنځ پهAF-PAK سره نومول شوی !! اودهمدې لپاره دپاکستان اوافغانستان دبهرنیو چارو وزیران هم داوس په واشنګټن کې حضور لری !! چېرې چې دامریکا دبهرنیو چارو وزېره '' هیلری کلنټن '' ددفاع وزیر رابرګیټس اودافغانستان اوپاکستان لپاره دامریکاخاص استازی رچرډ هالبروک له هغوى سره په دوامداره سلا او خبرو بوخت دی ترڅو داوباما نوی دولت وکړاى شی دافغانستان په باب دهغوى نظرونه معلوم کړی !!
اوامریکا په دې اړه ځکه جدی ده چې افغانستان کې دامریکا دمېشت عسکرو روحی حالت په خورا تېزۍ سره دډار اووارخطایی په لور درومی !! نوددې هلوځلوترشادامریکا اوناټو عسکرو روحی کیفیات هم کاری رول لری !! ولې چې په هغوى کې دځان وژنې رجحان په ناڅاپی توګه زیادت موندلى !! په تېره ډېره لنډه موده کې له دېرشو څخه زیاتوامریکایی فوځیانو په خپله ځانونه وژلی !! چې په هغوکې د١٣ مړینه پنټاګان هم منلې ،او دپاتې نورو ١٧ تنو دوژنو دوجوهاتو څېړل روان دی !! دسیاسی کارپوهانو په اند : دامریکااوناټو په فوځیانوکې دځان وژنې پېښې له دې امله پراختیامومی چې دامریکا زیاتره فوځیان دا احساسوی چې هغوى په یوه بې هدفه جګړه کې جنګول کیږی !! دهغوى په فکر دامریکا دخپل فوځ په عسکروکې دځان وژنو په اړه بېرون ته دخبرونو راوتل دا په ثبوت رسوی چې امریکا په افغانستان کې یو ناروا جنګ پیل کړى !!
دامریکا ولسمشر '' اوباما '' افغانستان ته دنورو عسکرو درااستولو اعلان کړى ، هغه داسې فکر کوی چې اوس مهال په افغانستان کې دطالبانو تله په دوى باندې درنه ده !! اوهغوى هیڅکله خبرواترو اودمذاکراتو پیلولوته چمتو ندی چې حاضرشی !! نو ددې لپاره چې پرهغوى باندې رعب اوفشار واچوی !! ترڅو هغوى مذاکراتو ته غاړه کیږدی !! حال داچې دعامه پوهې اودانش غوښتنه خو داده چې امریکایانو په لومړی سرکې دجنګ څخه وړاندې'' مذاکرات '' ګټور بللی واى اودخبرو اومرکو له لارې یې دطالبانو سره خپل مشکلات حل کړی واى !! د مذاکراتو له لارې که کوم مثبت حل نه واى راغلى بیا به یې دجنګ لاره غوره کړې وه !! خو داجوته شوې چې اوباما هم دهم هغو پخوانیو یهودی اشخاصو ترسیوری لاندې دى !! دکومو په سلا اوغوښتنه چې بوش په افغانستان باندې یرغل وکړ!! او په هغوى کې دامریکا ددفاعی صنعت اودتېلو دسترو کمپنیو څښتنان هم راځی هیڅ یوامریکایی ولسمشر نشی کولاى چې ځان دهغوى دڅارنې څخه بېرون کړی !!
دامریکاهم دې مړژواندې حالت اوماتو روحیاتو ته په پام روان جنګ کې دامریکاځینې نږدې ملګرې هیوادونه هم دامریکا په څېر ستومانه اوله جګړې څخه مایوس برېښی !! ولې هغوى وینې چې امریکایانو دتېروتنو له امله دوى په یوه اوږدمهاله جګړه کې ښکېل کړل شوی ، اوفطری ده چې هغوى له امریکا څخه ناراضی ولری ځکه هغوى هیڅکله دانه وه انګېرلې چې دوى به افغانستان کې دروانې پېړۍ په یوه لوى جنګ اوړی !!
اوبل دامریکالړزیدلی اقتصاد بنسټونه هم نور ددې مقتضی اودانه ایجابوی چې نور دې هغوى په افغانستان کې خپل عسکرپاتې کړی !! اوروان جنګ دې لاپسې طولانی کړی !! ولې چې په داسې کولو سره به دامریکادملګرو اوملاتړو هیوادو اقتصاد په بشپړ ډول له '' رکود '' سره مواجه شی!! چې ددې بدې پایلې به نږدې نیمه نړۍ زیانمنه کړی !! اوهم اوسنۍ نړیوال سوړبازار به لاپسې سخت اوشدت ومومی !!!
چې واقعاًهغه مهال به امریکایان او ورسره نور ملاتړی هیوادونه په افغانستان کې د ویتنام په څېرله شرموونکی حالت سره مخ وی !! اویابه دامریکایانو حشر بلکل هغسې وی څنګه چې څوکاله
وړاندې دلته ( افغانستان ) کې دشوروی اتحاد سرو لښکرووو چې دافغانستان څخه دتېښتې لپاره یې دیو بل پښې اولاسونه نیول چې مجاهدین ورته دوتو لاره ورکړی !!
اوښکاره ده چې امریکایان خپل دغه راتلونکی حشر وینی !! اوبیاهم دجنګ څخه توبه نه وباسی ! اوکوښښ کوی چې دخپل راتلونکی زوال مخه ونیسی !! خو په دې نه پوهیږی چې نور ددوى دغرور اوکبر لوړ اودنګ برجونه په پرېوتو دی !! دوى به هم لکه دشوروی اتحاد په څېر دسوال کچکول غاړې ته کوی !! ولې چې دا ( سنت الله ) دې چې هغه خامخا دنړۍ شیطانی او طاغوتی ځواکونه راڅملوی ، دهغوى دشان اوشوکت لوړ څلی بل مخ رانسکوره وی ، دامریکای دپیلوماسی ماغزه نشی کولاى چې دامریکادزوال دادپیل شېبی وځنډوی !! اوپه برخه ناکامی اوپاتې راتلل یې په بری اوسوبه باندې واړوی ! اوذلت یې په عزت بدل کړی ،دپیل شوی زوال څخه یې وژغوری دعروج لورته دې بوزی !! دا دقدرت حتمی پرېکړه ده او بل هیڅ ځواک دهغه په فیصله کې تغیر اوبدلون نشی کولاى . '' ولن تجد لسنة الله تبدیلا'' !
لیلام،لیلام یوکلى په سل ډالره
له ریان ټکی نه په مننه
رښتیا خبره ده چی هر انسان د خپلی ژبی شاته پټ دى، ترڅو چی څوک خبره ونکړی، نه معلومیږی چی (په ویرانه کی خزانه ده) او که (نادان خوش لباس) یو حکومت،نظام،تنظیم او مفکوره هم کله چی په عمل کښی پیاده شی معلومیږی چی څومره کفایت لری.انسانیت ته څومره نیک مرغی را وړلاى شی او یا یی څومره د بدر مرغی کندی ته رسوی.
کمونیزم یوه مفکوره وه، د حاکمیت ساحه یی په تړلی سیمه کی وه خو چی سوړه یی وکړه،په الوتکو او ټانګونو کښی افغانستان ته را ورسیدله. معلومه شوه چی هغه د وحشت او بربریت یوه ټولګه وه چی تر اوسه یی لا په وحشت کی شهیدان شوی او ټپیان شوی شمیرل شوی نه دی…
دیموکراسی خو ډیروخلکوته د جنت د ژوند یو بل نوم ؤ، خو چی په الوتکو کښی را والوته ،د ټانګونو په ورا کښی راغله ،بمبارد او وژل تړل یی بیلګی وی ،په بن (جرمنی) کښی خطا ایستل ،بی ریښو خلګ را ټولول او بیا د یوه هیواد په برخه لیک لوبی کول یی ولیدل شول ، معلومه شوه چی هغه هم شیطانی جال او تمثیل کووونکی یی ستر شیطانان وو.
لویه جرګه،انتخابات او نور هرڅه یی زر،زور او تزویر وو…
د ریاست جمهوری لپاره په انتخاباتو کی، ددیموکراسی د تمثیل لپاره یی د ډالرو کڅوړی خلاصی کړی.لکه د افغانستان د اشغال په مهال چی د قومندانانو بیه معلومه وه ، لوړه یی پنځوس زره ډالره وه چی ورباندی د هیواد داشغال د جواز وثیقی لاسلیک کیدلی.په لس زره ډالرو تنظیمونه جوړ او بیا د امریکایانو په چوپړ کښی ودریدل....
په هر حال خبره د انتخاباتو وه ،د کارت اخستلو لپاره تبلیغ وشو، له بازارونو او روغتونونو څخه په ممانعت خلک تهدید شول. د خلکو، په تیره ښیځنه وو په غیاپب کی کارتونه ور کړل شول او بیا د خیالی رئیس جمهورانو په صندو قونو کی هم د یوه شخص په لاس د یوه کلی کارتونه را غونډ او په هغی سیمه کښی د مسلط خیالی جمهور رئیس په صندوق کښی ولویدل.
کره خبره ده چی دیوه کلی د نارینه او ښځینه وو کارتونه د سل ډالره په اخستلو یو ځاى صندوق ته لویدل.
اوس بیا انتخابات را روان دی، تبلیغ او تهدید ورته کیږی. خو دا ځل به یی ممکن کلیو ته په بیه کښی فرق راغلی وی، ځکه هغه مهال لا ځینی بی تجربی خلکو څه هیله در لوده. ددولت وسله وال مخالفین هم په اوسنی موقف کی نه وو.نن سبا نه دخلکو داهیله ده چی دولت ،حکومت اوخارجیان به خدمت را ته وکړی او نه وسله وال مخالفین یی دومره کمزوری دی چی انتخابات تهدید نه کړاى شی. دا چی کابل مصؤن نه دى، په ولایتونو کی خو د امنیت هیڅ څرک نشته. نوزما خیال دى چی دا ځل به د کارتونو بیه لوړه وی.خو که هر څومره لوړه شی، ایا په دی ارزی چی یا د خپل وجدان په خلاف، په داسی حال کښی چاته رایه ورکړل شی چی په هغه سره نورو بمباریو ،تلاشیو او وژنو ته مشروعیت ورکړی او یا د یوی رایی په ورکړه د سر تهدید په ځان ومنی.
زما په باور به داځل که ورته ورسیدل، د انتخاباتو پایله تر تیر وار خورا ورانه او ټول دار میدار به یی په غولولو ،دروغو او دوکو وی.
اوس چی اعلانونه کیږی ،په فلانی ولایت کښی دومره کسانو کارتونه واخستل او د میرمنو فیصدی پکښی تر ٣٠-٤٠ زیاته ښیی،ایا څه فکر کیږی د ښځو د کارتونو د اخستلو یو فیصد امکان شته.
ماته چی وضع معلومیږی خو دا امکان نه لیدل کیږی ،داسی کیدلاى شی چی هسی چاته د وهمی اوخیالی نومونو په درج ،کارتونه وسپاری او بیا یی دډالرو په بدل کښی بیرته هغسی سر جم واخلی...
سپىنه خبر
امرىکا دافغانستان جنگ ضرور باىلی !!
د یو سړی زوی چاقتل کړی وه او هغه یو وکیل سره خبره کوله چی په څو روپیو راته د زوی قضیه خلاصولاشی؟ وکیل ورته وویل چی پنځه زره روپی به راکړی مګر د ددوسی د دروندوالی په مقابل کی دغه پیسی ډیری کمی وی نو ځکه د هلک پلار د بل وکیل سره په پنځوس زره روپیو فیصله وکړه او پیسی یی ورکړی، وکیل خپل ټول وس وکړو او تر اوږدی مودی وروسته په هلک د اعدام فیصله وکړه، د هلک پلار ولیدل چی وکیل ډیره خواری وکړه خو کامیاب نشو نو ځکه یی خپلی ګیله هم ترینه ونکړه. کله چی د عدالت په زینه باندی د هلک پلار د اخیری ځل لپاره راښکته کیده نو هغه لومړی وکیل ورته لاندی ولاړ وو، او ورته یی وویل چی دا کار ما درته په پنځه زره روپی کولو خو تا په خپله په پنځوس زره روپیو وکړ.
امریکایان چی کوم کاردڅوکلونوڅخه وروسته کوی بایدچی نن یی وکړی تر څو د خپلو ځوانانو، او هم د افغان مظلوم ملت د مرګ او درد مخه ونیسی. ځکه هغه څه چی ړیوال اووه کاله وروسته ګوری دا ترینه په ښکاره جوتیږی چی امریکا د افغانستان جنګ بایللی دی خو هغوی لکه چی الله ج فرمایلی دی دحیواناتو څخه هم بدتر دی. د امریکایانو د شکست ځینی ښکاره دلایل دا دی: ۱. د امریکایانو په وړاندی کرکه، نفرت او د افغانانو مسلحانه جهاد د هر کال په تیریدو زیات شوی دی او د امریکایانو او د هغوی د لاسپوڅو د مړینی تعداد ورځ په ورځ زایتیږی.
۲. جنګونه او بغاوتونه د غرونو څخه اوس ښارونو او حتی پایتخت ته راورسیدل.
۳. د امریکایانو اعتبار په عامو خلکو کی د صفر سره برابر شو، ځکه خلکو چی کوم امیدونه لری چی د امریکا په راتلو سره به سرکونه پاخه شی، بریښنا به هر کور ته ورسیږی، بیکاری او بی وزلی به له منځه ولاړه شی او په علمی، امنیتی، اخلاقی او صحی برخو کی به د پام وړ بدلون راشی، هغه یو هم ونشو حتی د کیفیت او کمیت دواړو له مخی نور هم د بربادی خواته ولاړو.
۴. په بین المللی ډول د امریکایانو لاسپوځی اداره په رشوت،نا اهلۍ،اداری فساد، د مخدراتو په کاروبار او داسی نورو صفاتو وپیژندل شوه.
۵. هغه ویره او ډار چی د امریکایی قواوو څخه موجود و، د خلکو له زړونو څخه وتلی او اوس خلک د زندانی کیدو او وژلو پروا نکوی، حتی د ښار ماډرن هلکان هم اوس د جهاد او د یرغلګرو سره د مقابلی حوس کوی، او په دی امید دی چی څومره ژر کیدای شی خپله ونډه ترسره کړی.
۶. د امریکا اکمالاتی لاره چې د کراچۍ څخه تر خیبره غزیدلی ده، اوس د لری پښتونخوا د خلکو لخوا تر دروند فشار لاندی ده او ناتو او امریکایان نشی کولای چی دا لاره نوره استعمال کړی. او که ددی پر ځای هره بله لاره وکاروی نو باید مالی لګښت یی څو چنده زیات شی. او دا هم ممکنه ده چی هغه لاره یی هم د تهدید لاندی راشی او پرتی قواوی یواځی د هوا له لاری اکمالات وکړی چی دا به بیا امریکا ته ډیر ژر د ماتی زیری ورکړی.
۷. امریکایان اوس غواړی په افغانستان کی اربکی جوړ کړی چی دا د یرغلګرو اخری او وروستی هڅه وی تر څو د خپلی خاوری خلک په خپلو خلکو ووژنی. دا ټول کارونه روسانو یوه لسیزه مخکی په همدی شکل سره ترسره کړی وو خو انجام یی څه شو؟
۸. کله چی هر ظالم په تندی سخت ګوزار وخوری او نور د جنګ تابیا نلری نو بیا د سولی خبری شروع کړی، که دا خبری د مسلحومجاهدینو سره وی، نو ولی دا اوه کاله مخکی نه کیدی؟ څه وشول چی دی ته رامات شول چی خبرو ته غاړه کیږدی؟ درد یی ولید، مقاومت یی ولید، د ایمان زور یی ولید او یو څو جنازی یی په کور ورننوتی.
۹. ډیر ژر به دیرش زره تازه دمه امریکایی عسکر راورسیږی او د افغانستان په مختلفو ځایونو کی به ځای پرځای شی، او هغه مخالفین چی په میاشتو میاشتو انتظار باسی تر څو امریکای کتار په ګوتو ورشی، اوس به هره ورځ او یا هره اونۍ یو ښکار وربرابریږی او په دی شان به د جنازو لړی د غربی هیوادونو په خوا تیزه شی. په نتیجه کی به غربی وګړی او په خاصه توګه د مړو شویو کورنۍ د خپلو حکومتونو سره په جنجال واوړی او پر حکومتونو به فشار راشی، په دی ډول به یو یو هیواد خپل عسکر اوباسی او امریکایان به یواځی پاتی شی، جنګی مصارف به یی لوړ شی او په هغه ویروس به اخته شی چی روسان پری اخته شوی وه.
۱۰. د افغانانو مقاومت لله الحمد په هیڅ خارجی کومک ندی ولاړ پرته د الله ج د مرستی څخه. نو ځکه دا یو دوامداره جګړه ده، او هیڅ مالی او ځانی خارجی مرستی ته اړتیا نشته، هر افغان څه ناڅه وسله لری او افغانستان دداسی میندو څخه ډک دی چی هر کال یو بچی راوړی او بیا هغه ته په کوچنیوالی کی د جهاد او شهادت درس ورکړی. ما ډیر داسی کسان لیدلی چی په زامنو د شهیدانو نومونه ږدی او بیا وایی چی زما زوی غټ شی دا به هم جهاد کوی او که خدای ته منظوره وی د شهادت مقام به ترلاسه کوی. خیر که ددی کسانو تعداد د خلکو په نظر کی کم هم وی، خو تفاوت په دی کی دی چی یوی خوا ته هغه کسان دی چی په جنګ کی مرګ خپله کامیابی او سرلوړی ګڼی او بلی خوا ته داسی کسان چی په هیڅ قیمت مرګ ته حاضر ندی او د دنیا ژوند د هغوی لپاره هر څه دی.
اوباما به افغانستان ته ډیر پوځونه راولیږی، د بش غوندی دی خپل ځان ستړی کړی، څه چی یی له لاسه پوره دی ودی کړی، خو په یاد ساتی چی ډیر ژر به ووینی چی خپله پالیسی بدله کړی او بیا به وایی چی مونږ خپل پوځونه د افغانستان څخه اوباسو او نور مونږ دلته نه پاتی کیږو، بیا به د کابل په اداره کی ناستو لاسپوڅو ته ووایی چی بس نور مو کار خپل دی او هغه وخت به بیا دا یارانه نه وی.
امریکایان خو وایی چی دا جګړه به پنځه یا لس کاله ونیسی، دا هغه څه دی چی دوی ګومان کوی چی دوی به دا جګړه تر لسو کلونو پوری پرمخ بوځی، مګر مطمین نه دی چی ددی توانایی به ولری او که نه؟ خو ددی څخه خبر ندی چی ددوی مخالفین هم یوه اوږده او نه ستړی کیدونکی جنګی ستراتیژی په نظر کی لری او هغه دا چی هغوی د سلو کالو لپاره جنګی پلان لری، ځکه چی ما داسی کسان ولیدل چی اوس اوس خپلو زامنو ته دوه دوه او دری دری ودونه کوی او هغوی ته وایی چی کوښښ وکړی چی زیات زامن وزیږوی اوبیا دآزادۍ درس ورکړی تر څو د غلیم سره قربانی ته تیار شی او په راتلونکی کی دا تحریک پر مخ بوځی.
نو زما توصیه (درخواست ندی) د امریکا نوی ولسمشر ته دا دى چی لږ په خپل ګریوان کی سر ښکته کړی او هغه فیصله نن وکړی کومه چی به په څو راتلونکو کلونو کی کوی، مګر بیا به ډیری ځوانی خاوری شوی وی او ډیری ښځی به کونډی او ډیر ماشومان به یتیمان شوی وی خو هیڅ به هم په لاس ورنشی