بوش چې منځ لاری ونه موندل، اوبامایې څنګه مومی ؟
عبید، خلیل
اته کاله وړاندې چې دامریکاپه مشری صلیبی یرغلګرولښکرو ، دافغانستان پاک ټاټوبى اشغال ، واکمن اسلامی نظام یې پکې ړنګ ، داسلامی امارت یوشمیرمسئولین اوفوځی قومندانان اسیران اوشهیدان شول ،صلیبیانو او اجیرانویې فکروکړ،چې نوردوى خپلې موخې ته ورسیدل ، دطالبانوځواک اوغروریې اوبه کړ، واک ، اغیزاوپاکې نظریې ته یې ددوى په اټکل دټول عمرلپاره دپاى ټکى کیښود .هماغه ووچې په کابل کې یې یوه ګوډاګى اداره وتپله ،دناولې ، رټلې اوتیرایستونکې دیمکراسى دتپلوپه خاطریې په اسلامی اقدارو، اوافغانی روایاتو په ډاډه زړه ګوزارونه پیل کړل
زمونږ په یاددى چې کله داسلامی امارت زرګونه مجاهدین دامریکاداشغال په ړومبیو شپوکې دافغانستان په شمال کې ایساراودګلمجموملیشوپه لاس دامریکایانوپه حکم ترقتل عام اووحشت لاندې وواوپه یوه شپه کې په جنګی کلاکې له زروتنوډیرطالبان اومجاهدین لولپه کړاى شول ، په هغه مهال دامریکاددفاع وزیر(رمزفیلډ) دجنګی کلادغمیزې په اړه وویل : په شمال کې ایساراواسیرطالبان هیڅکله دنړیوالوبشری قوانیو تردائرې اوعاطفې لاندې نه راځی ، دوى ټول بایدمړه اوله همدغسې مستبدسرنوشت سره مخ شی
هو! په هغه مهال امریکایانوپه خپل ټول ځواک هڅه کوله چې داسلامی امارت غړی ، افراد، پیروان اویادجهاداوخپلواکى په روحیه سنبال وګړی له منځه یوسی اویاهم دامریکایی غلامۍ کړئ دهغوغاړو ته واچوی ، یانې هلته امریکایان اواجیران یې په هیڅ بیه چمتونه وو، چې طالبان هم دبشریت په دومره لویه دنیا، بې شمیره بشری سازمانونواوقوانینوکې پټ دژونداوچیرته دمیشتیداحق ورکړاى شی ، په هغه مهال یې له طالبانوسره خبری لویه ناروابلله ، نه یې پکې منځ لاری پیژندل اونه هم اعتدال پسندی، بلکې ټول یې دمرګ ، شکنجې اوزولانې مستحق ګڼل !!
خوچې کله غیرتمنوطالبانودافغانستان داسلامی امارت توغ یوواربیاراپورته، رپانده اوبیرته پرې راوګرځیدل ، په اشغالګرویې دهیوادپه لراوبرکې ګوزارونه پیل کړل اودایې په اثبات ورسوله چې افغانان ددې عصردفرعون په وړاندې هم دمقابلې اومبارزې هوډلری اوپه ګونډوکول یې غواړی اوبوش اوایجنټانویې هم ومنله چې داسلامی امارت قیادت اومجاهدین سره کوشیراوکلکې مقابلې ته چمتودی ، نوبیایې داډنډوره پیل کړه ، چې طالبانوکې دوه ډلې اومفکورې شتون لری چې یوسخت دریځی اوبل منځ لاری دى اودوى له منځ لاروطالبانوسره خبروته چمتودى
هماغه وو، چې څه نمایشی ګامونه یې پورته کړل دکابل دادارې په چوکاټ کې یې دسولې اوپخلاینې په نوم پروسې دخپلودرباری .............. په بڼه کې په کارواچولې اوله تیرواتوکلونوراهیسې یې په دغه برخه کې خپلې هرډول حربې وکارولې ، دزر، زور، تهدید اوتشویق پراخ کمپاین یې وچلاوه ،
ولې دلوى خداى (ج) په نصرت هیڅ یې هم ترلاسه اوګوتونشوکړاى ، دافغانستان اسلامی امارت له اته کلنې جهادی مبارزی سره سره دیرغلګروددغې دسیسی په مقابل کې هم سخت مقاومت وکړ، ددرزاچولواوویشلوپه ډګرکې یې هم صلیبیانوته دسرپه کاسه کې اوبه ورکړی او یوه وړوکې ډلګۍ هم داسلامی امارت په لیکوکې پیدانشوه چې دجدایی ناره پورته کړی اوڅوک وښیی چې دادى په طالبانوکی هم بیلابیلې ډلې شته !
اوهغه یوڅوتنه طالبانوته منسوب خلک چې له کوم بند اونیونې پرته کابل ته تللی اوتسلیم شوی ، ځینې وخت یې استخباراتی کړى اخوادې خواپړسوی،ترڅو له طالبانو سره دخبرواترواومذاکراتونغاری پرې وغږوی خوبیاهم تراوسه دکابل اداره اوباداران یې ندی توانیدلی چې کوم کنډواوتشه پرې ډکه اوپوره کړی ، علت یې دادى چې اصلاهغوى له لویه سره داسلامی امارت شعوری اوبنیادی غړی نه وو اونه هم دی ، بلکې اسلامی امارت ته هم له پخوانیوجهادی ډلوورپاتی وواوامارت هغوى ته چوکی اویولړامتیازات ورکړی و، چې کله هغه چوکی اوامتیازات ختم شول ، هغوى بیرته دامتیازاتواوچوکی دترلاسه کولوپه لټه کابل ته لاړل اوتسلیم شول چې دغه خلک هیڅکله داسلامی امارت دلیکې دخیل مرکزی خلک نه وواونه هم کیدلاى شی
اوس چې دامریکاپه قیادت کې بدلون راغلى ، دبوش ځاى اوباما، نیولى اواوبامادخپلې نوی تګلارې ترشعارلاندی نوی ګامونه اخلی ،نوفکرکوی چې دطالبانودخپل منځی ویشلوپه برخه کې لکه چې له ده نه مخکینى امریکایی ادارې چندانې کارندی کړى ، نوځکه اوباما، څوورځې وړاندې له نیویارک ټایمزسره په خبروکې په افغانستان کی دطالبانوپه وړاندې دمخامخ جګړې دماتی د منلوترڅنګ ، داخبره له خولې راوویسته چې دده اداره به هڅې وکړی ترڅو په طالبانوکې تفرقه واچوی اومنځ لاری پکې پیداکړی
خواوباما، بایدپوه شی چې ترده مخکې بوش اوایجنټانویې ددوی په اصطلاح دطالب منځ لارودموندلوپه برخه کې ډیرې لارې اوګودرې لټولی اوهرډول لومې یې وځغولې ، چې هیڅ یې ترلاسه نکړل ، اوس چې اته کاله هم تیرشوی اوپه دغه برخه کی دامریکایانویوې حربې هم کومه نتیجه نده ورکړی اوخپله دغرب دڅیړندویه سازمانونوپه راپورونوکی، دافغانستان اسلامی امارت دهیوادپه 72فیصده ځمکه واک اوحاکمیت لری ، ناټوله خپل ټول ځواک سره دافغانستان جګړه ناکامه ، بې فایدې اوطالبان ، نه ماتیدونکی جنګیالی بولی ، نواوس خوبلکل ممکنه نده چې اوباماطالبان سره وویشی چوکۍ خوښونکې پکې راوټوکوی اومذاکراتوته یې چمتوکړی ،ځکه چې اوس هردعقل خاوندپوهیږی چې په افغانستان کی فوځی وضعه دچاپه ګټه اوافغان ولس دچاترخواولاړاوهمکاردى
اوپه پاى کې اوباما، ته ددې خبرې یادول ضروری دی څو پوه شی چې دطالبانواوقیادت ترمنځ یې یوه داسې کلکه اونه شلیدونکې رشته اوتړاو شتون لری ، چې هغه دډالروپه زور، دچوکى اوامتیازاتوپه هڅونواودګوانتانامو، بګرام اوتیروجنکی کلاووپه شکنجواوزندانونونه پرې کیږی
، نوښه به داوی چې اوباما، له دغه ناکامې اوپرشادتمبول شوې پروژې پرځاى معقوله لارغوره اوانتخاب کړی ، دافغانستان اشغال ته دپاى ټکى کیږدی اوامریکاله تل پاتې نابودى نه وژغوری !!
جنرال سفیر
له ریان ټکی نه په مننه
دایوحقیقت دى چی دامریکا متحده ایالات هیڅ نه لری .انسانی لومړنۍ فطری اړتیاوی ،اجتماعی ژوند،دین ،امنیت ،سکون اوډاډدی . خوپه امریکاکی دایوهم نشته .
دټولنیز ژوندلومړنۍ کړۍ کورنۍ ده ،هغه هلته شکیدلی ده . دپلاراوزوى ،لمسی اونیکه ،لور اومور،لمسۍ اوانا خواخوږی فقط دکال دلومړی ورځی ترسوغات پوری محدوده ده . ترنکاح بی نکاح روابط پکی ډیر دی اواولادچی یی هم په دی ماحول کی زیږی ،هغسی پردی دی . دنوروټولنو په څیر دګډی ناستی ولاړی ځایونه پکښی نه شته ،که شته هغه هم تشریفاتی اوحکومتی مراکزدی ،ټوله مشغله یی فلم اوسینما ده او...
په امریکاکی په نوم ډیردینونه شته، خوپه عمل کی ورباندی هیڅ دین سیورى غوړولى نه دى . اکثرخلک پکښی کاتولیک مسیحیان دی خودهغوى لپاره دین یوازی دکلیسا ترتللو محدود دى .چیری چی دین نه وی، هلته سکون اوډاډنشته او...
په امریکا کی دامنیت په هکله هیڅ ډاډنشته،هلته څوک پیسی ګرځولاى نشواى ،فقط چیکونه دی چی کښته پورته کیږی اوغلاکیدلاى نشی .
دجرمونو؛که وژنه،شوکی اوغلاوی دی اوکه جسمی اوجنسی تیری، خوترټولو هیوادونو یی ریکاډلوړدى ...
امریکاچی څه درلودل،هغه ددیموکراسی نوم دى اودهغوى دټولوکارونولپاره یوبرغولى و،خوکله چی یی په افغانستان اوعراق تیرى وکړ،بی قانونه حکومتونه یی ورباندی وتپل اودهغوى لپاره دهر ډول جرم اوجنایت مرتکب شول ، هغه ددیموکراسی رنګ هم تری لاړ .په تیره چی کله دامریکایانوکړه وړه له خپلومخالفینوسره ولیدل شول چی نه یی په سر اومال ،نه یی په عزت اوپت اونه یی هم په دینی شعایرواوملی عنعناتوصرفه وکړه،ریښتیاهم ورسره دنفرت کچه دومره لوړه شوه چی ډیرو دوستانویی په ځان اودوی لعنت ووایه .
امریکا له دی سره،سره چی په ټوله نړۍ کښی په سلګونوپوځی مرکزونه لری د پوځی نظامونومرسته کوی،هرڅوک چی ددوی دنظامی ګټومخالف وی ،هغه یی دښمنان بللی دی،خوکه دددوی په پلوی هرڅومره ظلم کیږی،هغه دیموکراسی ده.
ددی ټولوکارونو،تیریواوظلمونووروستنۍ اووتلی نمونه،په افغانستان کښی دامریکایی نظامی سفیر ټاکل دی،هغه چی په افغانستان کی نظامی قوماندان اودلته دټولووژنو،نیولواوشړلومسؤل ؤ،نن په سیاسی چوکاټ کی سفیر مقرریږی .
هغه به پرته له همداسی نظامی کړو وړوبل څه ونه لری،ځکه هغه دسیاست سړى نه دى، هغه یوپوځی جنرال دى،یوازی همدی سفارت سیاسی بڼه درلوده،هغه هم ورباندی نظامی شوه،داسی ښکاری لکه په افغانستان کښی چی امریکا اضطراری اونظامی حکومت اعلان کړى وی .
ویره داده چی همدادسفارت پوځی کیدل ،ددی لپاره مقدمه نه وی چی یوبل دیکتاتور، دبن(جرمنی)دبرخوویشونکی خلیل زاد،ښاغلی کرزى څنګ ته نکړی اوهغه ځاى هم یوامریکایی دیکتاتورونه نیسی....
مظلوم فلسطین
له ریان ټکی نه په مننه
تر اسلام وړاندی د فلسطین په خاوره کی کنعانیانو،فلسطینیانو اوعبرانیانو ژوند کړى دى او فارسیانو،یونیانو،نبطیانو او رومیانو په دی خاوره واکمنی درلوده . په دی ټوله زمانه کښی عبرانیانو(یهوادانو،اسرائیلو) د داود او سلیمان(علیهماالسلام) په وخت کښی په دی سیمه حاکمیت درلود چی بیایی حکومت دوه ځایه او پسی ختم شو.
دعمر (رض) دخلافت په زمانه کښی چی دفلسطین خاوره مسلمانانو ونیوله، یوه یهودی کورنۍ هم پکښی مېشت نه وه اوحکومت یې له مسیحیانو سره ؤ. ترهغه را په دې خوا مسلمانانو ورباندی واکمنی درلوده ،تر څو دصلیبی جګړو په مهال یو دوه ځله دمسلمانانو اومسیحیانو ترمنځ لاس په لاس شو، خو سلطان صلاح الدین ایوبی بېرته هغه له مسیحیانو څخه وژغوره او دمسلمانانوحکومت پکښی جوړ شو.
دشلمی پېړۍ په پیل (١٩١٤) کښی چی انګریزانو دعثمانی خلافت دتجزیې لپاره توطیې کولی ،دعربانو په مټ یی فلسطینی خاوره له عثمانی خلافت څخه بېله او دانګریزانو تر واک لاندی راغله او په ١٩٢٢ کال دملتونو ټولنی د انګریزانو یوه لایحه لاسلیک کړه چی په هغې کی دیهودی حکومت جوړېدل او دانګریزانو سرپرستی مهم ټکی وو.
وروسته انګریزانو، یهودانو ته دازمینه سازی وکړه چی هغوى له نورو هیوادونو څخه فلسطین ته راشی، هغوى په وسله او نورو امکاناتو مجهزشی.
د١٩٤٨م کال په جون کښی چی انګریزانو د وتلو اعلان وکړ ،په هم هغې ورځ دیهودی دولت دجوړیدو اعلان هم وشو.
دیهودی اژانس له لوری دفلسطینیانو ځمکی اخستلی کیدلی اویهودی حکومت فلسطینان دی ته اړ ایستل تر څو خپل کورونه اوځمکی پریږدی او یایې خرڅی کړی ....
دا مظالم روان وو، دعربانو نفوس کمېده او دیهودانو زیاتیده. غربی هیوادونو په تیره امریکایانو له یهودی حکومت سره هر راز مرستی کولی او په خپله کالنۍ بودیجه کی به یې ورته برخه بېلوله، په سیاسی ډګر کی چی به کله په ملګرو ملتونو کښی دفلسطین دخلکو دحق په دفاع کی کومه پریکړه کیدله ،امریکابه له خپله ناروا حق (ویتو) څخه ګټه اخستله او په دی سره دفلسطین دخلکو لومړنی حقوق تل تر پښو لاندی وو او دی...
داسرائیل ، امریکا او انګریزانو دظلمونوپه مقابل کښی فلسطینیان هم ناست نه وو او له ١٩٢٠م کال څخه یی دمظاهرو په بڼه پاڅونونه درلودل خو په ١٩٢٨،١٩٣٦ او ١٩٣٩ کلونو کښی وسله وال پاڅونونه وشول . په دې پاڅونونو کښی دشیخ قسام دملګروپاڅون مهم ؤ چی نوموړى پکښی شهید شواو دفلسطین دشهید په نوم ونومول شو.
ددی ترڅنګ د فلسطین خلکو سیاسی - نظامی تنظیمونه جوړ کړل چی مهم پکښی دالفتح تنظیم ؤ چی د یاسر عرفات او اوو تنو نورو ملګرو له لور یی په ١٩٥٨ کال بنسټ کیښودشو ، یو بل نشنلستی سازمان د جورج جش په مشری په ١٩٦٣ کال له مارکستی افکار و سره څرګند شو. همداسی نور تظیمونه جوړیدل تر څو د PLO (د فلسطین د ازادی سازمان) را منځته شو.
ددی مبارزو په لړ کښی، یو هم د ١٩٦٧ کال د عربو او اسرائیلو جګړه وه چی اسرائیلو له فلسطینی خاوری څخه علاوه د عربو نوری سیمی ونیولی او تر اوسه لا هغه خاوره له دوی سره ده . یوازی د مصر نیول شوی خاوره یی د کمپ دیوید د معاهدی په اساس چی دمصر دواکمن ،انور السادات،دامریکا دمشر، جیمی کارتراوداسرائیلود لومړی وزیر، مناخم بیګن تر منځ لاسلیک شوه بیرته پریښودله . په دی تړون کښی د فلسطینانو لپاره د اردن د رود په لویدیزه څنډه اود غزی په تراډه کښی د کورنۍخپلواکی خبره هم شوی وه .
امریکایان غواړی تر څو فلسطینان هم یو کمزوری دولت ولری او اسرائیلو ته د حکومت مشروعیت پیدا شی ،خو اسرائیل پرته د فلسطین له ټول تسخیر څخه په دی هم خوښ نه دی . کله په همدی پاته فلسطینی خاوره بمبارد کوی . کله ټانګونه ورباندی مارش کړی، کله یی سرحدونه تړلی وی او کله نور مظالم کوی .نه فلسطینی مهاجر خپلی خاوری تر پریږدی او نه د یهودانو په میشت کولو بندیز منی .
د یهودانو وروستنی تیرى، ددی اونۍ تیرى دى چی په سلګونو فلسطینیان یی شهیدان او ټپیان کړل، بندیزونه یی ورباندی ولګول او ورباندی دځمکنی برید په په لټه کښی دی .
اسلامی کنفرانس،د عربو اتحاد، ملګری ملتونه،اروپایی هیوادونه او نور به ترهغو کوم اقدام ونکړی ترڅو دا برید هم عملی نشی. ځکه د څه ویلو په صورت کښی به یا امریکایان ورباندی سترګی برګی کړی او یا به د ویتو حربه ورباندی استعمال کړی .